ئەڤ سالە رێژەیا گەشتیارا یا سیلاڤێ گه‌له‌ك ژ سالا بۆرى کێمتر بوو
ئامێدیێ، نەوزاد زادە ھلوری:
ژبەر سەدەمێن جوداجودایێن ھەرێما کوردستانێ و عیراقێ رێژەیا گەشتیاران ل ھاڤینگەھا سیلاڤێ یا سالا 2015 ل سنوورێ قەزا ئامێدیێ 70% کێم بوویە.
دڤی واریدا حسێن خالد قایمقامێ قەزا ئامێدیێ بو ئەڤرو نیوز گۆت: (رێژەیا ھاتنا گەشتیاران ل سنوورێ قەزا ئامێدیێ ب تایبەتی بوو ھاڤینگەھا سیلاڤێ یا سالا 2015 ب رێژەیا 70% بەرامبەر پارسال کێمتر بوویە و ئەڤ یەک ژی بوویە سەدەم کو بێ بازاریەک ل ئامێدیێ ب گشتی و و سیلاڤێ ب تایبەتی درۆست ببیت).
زێدەتر گۆت: (ئەگەرێن سەرەکیێن کێم بوونا گەشتیاران ل ئامێدیێ دزڤریت بوو قەیرانێن دارایی و ئابووری ل کوردستانێ و بوویە سەدەم کو خەلکێ ئەو زەوقێ گەریانا بەرێ نەمابیت و ب ترسن و ئەڤە سەرەرایی کو قەیرانێن دارایی ھەنە و وان پارە نینن ب مەزێخن ، و ژلایەکێ دنڤە رەوشا سیاسی و ئاسایشا عیراقێ نھا نەیا جێگیرە ژ بەرکو رێژەیەکا زورا گەشتیارێن سیلاڤێ ل پارێزگەھێن دن یێن عیراقێ دھاتن).
قایمقامێ ئامێدیێ دیارکر ژی کو ئەوان چەند پرۆژەیەک بوو پتر بەر ب پێشڤەبرنا کەرتێ گەشت و گوزاری ل ئامێدیێ و سیلاڤی َھەنە و بەلێ قەیرانا دارایی بوویە سەدەم کو ئەو پرۆژە ھەموو بھێنە راگرتن.
