ئەگەرێن زێدەبوونا حەزا خوارنێ ل دەف مرۆڤی
ئەڤرۆ نیوز:
ئەو کەسێن ب ساناھی قەلەو دبن و ئەوێن دڤێت کێشا لەشێ خوە کێم بکەن، پێدڤیە ھایداری ھندێ بن کو چ جۆرە خوارنێ د ھەلبژێرن، بۆ ھندێ کو تۆ خوارنەکێ ھەلبژێری کو حەزا خوارنێ ل دەف تە کێم بکەت و د ھەمان دەم دا وزێ بدەتە تە و نەبیتە ئەگەرێ کومبوونا دوھنی، ھەکە تە بڤێت کێشەیا لەشێ خوە دابەزینی و کێمتر ب خۆی پێدڤیە تۆ خوە ژ ھندەک خوارنا دوور بکەی:-
*ڤەجوینا بەنیشتی ئەگەرەکە بۆ زێدەکرنا حەزا خوارنێ د گەدەی دا،د ھەمان دەم دا وەلتە دکەت،کو زێدەتر ھەست ب برسیبوونێ بکەی.
*مەعکەرۆن ئێکە ژ باشترین وان خوارنێن کو بۆ وان کەسا ب مفایە یێن کو دڤێت کێشا لەشێ وان زێدە بکەت، چونکی برەکا زۆرا کاربۆھێدراتی تێدایە و د گوھۆریت بۆ دوھنی و رێژەیا کالۆری تێدا بلندە و ھوکارەکە بۆ قەلەویێ و زێدەکرنا حەزا خوارنێ.
*شرینی ئەو خوارنا کو ب گشتی دناڤا خەلکێ دا خۆشتڤیە و بەردەوام دھێتە خوارن،بەلێ ئەگەرەکە بۆ زۆر خوارنێ و ڤەکرنا گەدێ بۆ خوارنێ و قەلەویێ خوارنێن ئامادە کری وەک جبس و خوارنا موعەلەباتا،کێشێ زێدە دکەن و ب ئەگەرێ ھەبوونا رێژەکا بلندا کاربۆھێدراتی،ھاریکارە بۆ خوارنا زۆر و ڤەکرنا حەزا خوارن و قەلەویاتا.
*پتاتا قەلاندی دناڤ بەفر ھەلگرێ دا، دو جارکی زیان ھەنە،چونکی دێ سورکەیەڤە دوبارە دوھنێ وێ دێ بیتە ئەگەرێ قەلەویێ،د ھەمان دەم دا وەلتە دکەت زێدەتر ب خۆی،لەورا باشترە ل جھێ وێ پتاتا کەلاندی و سرۆشتی ب خۆی باشترە.
*گۆشتێ سور بۆ ھێرانێ یێ گرانە،دەمێ دخۆی لەشێ تە زێدەتر خۆە ددەت و تە بێزار دکەت،ھەروەسا کێشێ زێدە دکەت و تە فێری زۆر خوارنێ دکەت.
*چەرەزات دوھنەکێ ب مفایە بۆ لەشی و نەخۆشیێن دلی و دابەزاندنا دوھنێ کۆلسترۆلی، بەلێ ھوکارەکە بۆ قەلەویێ و زێدەبوونا کێشێ.
*پیتزا خوارنەکا پرە ژ دوھنی و ھێرانا وێ زۆرا گرانە،ھوکارەکە بۆ زێدەبوونا کێشێ ب رەنگەکێ بلەز و وەلتە دکەت کو زێدەتر بخۆی.
*مایۆنیز تامەکا خۆش دبەخشیتە خوارنان،بەلێ برا کالۆری تێدا زۆرا بلندە و ھوکارەکە بۆ زێدەبوونا کێشێ.
*خوارنێن ھەڤیری تامەکا خۆش ھەیە و د پتریا مالان دا رۆژانە دھێنە دروستکرن، لێ برەکا زۆرا نشایێ تێدا ھەیە و دەولەمەندە ب شەکرێ و ھوکارەکە بۆ قەلەویێ.