باب

رێژین حكمەت

کراسێ بووکینیا من
تە کرە کفن ل بەر خۆ کر،
ڕۆژا ژ دایکبوونا من
تە ئەو دیاری پێشکێشی من کر..

بابۆ ..
ئەڤ پاییزا ل پێشیا مە
من ناڤ لێ دانا وەریان،
ل جھێ بەلگا ب وەرینت
باھۆزەک ل دەرگەھێ مە دا!
ھاوار خودێ
دنیا ل مە تاری بوو
ڤێ پایزێ، تو ل مە بەرزەکری
ژ دیدارا مە ڕاکری..

بابۆ ..
ئەگەر من شیان ھەبان
دا گیانێ خۆ ب تە بەخشم
ئەگەر من شیان ھەبان
ھەر شەڤ تە ھینم دخەونا خۆدا
ئەگەر من شیان ھەبان
ل ھەمی سپێدەھیان
دا چاڤێن خۆ ب دیتنا تە زل كەم..
یا خەریبم
ژ بێھنا تە
ژ دیتنا تە
ژ سوحبەت و دیوانێن تە
ژ وان سەرە سبەھیێن
ل سەر تێشتێ، ل گەل تە..
من ئەو ئاخە دڤێت
ما چەند بێھنا خۆش ژێ دھێت
چەند ئەو بێھنه دفنا من بگریتن
بێھنا من فرەھتر دبیت
چەند ژ من دوور بیت
ھند ل بەر من شرین دبیت..

خودایێ من
دلۆڤانیا تە ژ یا من بھێزترە
حەژێکرنا تە ژ یا من پترە
تە ئەمانەت بابۆ..
جھێ وی بکە بھەشتا بەرین.

کۆمێنتا تە