باخچه‌لی ل دێرسمێ بتنێ بۆ پۆلیسان ئاخفت
ئه‌ڤرۆ نیوز، هۆشه‌نگ تاجر:
چاڤدێرێ سیاسی ل باژارێ دێرسم ئاتاكان جه‌م بۆ رۆژناما ئه‌ڤرۆ دیار كر، كو پشتی ل هه‌فتیا بۆری سه‌رۆك وه‌زیرێن توركیا ئه‌حمه‌د داوود ئوگلۆ سه‌ره‌دانا باژارێ دێرسم كری و هنده‌ك په‌یامێن دلخوه‌شكه‌ر داینه كوردان سه‌رۆكێ پارتا نه‌ته‌وه‌په‌رست یا توركیا ده‌وله‌ت باخچه‌لی نه‌رازیبوونا خوه ل هه‌مبه‌ر هه‌لویستێ داوود ئوگلۆ دیار كربوو و گۆتبوو سه‌ید رزا و هه‌ڤالێن وی كو ب ده‌ستێ ده‌وله‌تا توركیا هاتنه كوشتن مرۆڤێن تیرۆرست بوون و گۆت: (ژ به‌ر ڤێ یه‌كێ ژی ده‌مێ باخچه‌كی ئه‌ڤرۆكه سه‌ره‌دانا دێرسمێ كری خه‌لكێ هه‌موو دكان و جهێن خوه یێ كاری داخستن و چو جهه‌ك ل ناڤ باژاری ڤه‌كری نه‌بوو و خه‌لك ژی پێشه‌وازی لێ نه‌كر و تنێ هنده‌ك پۆلیس كو بۆ مه‌ره‌ما ئێمناهیێ ئاماده بوون گوهداریا باخچه‌لی كرن).
ناڤهاتی ئه‌و یه‌ك ژی دیار كر كو باخچه‌لی د ئاخڤتنا خوه دا دێرسمێ دا جاره‌كا دی هێرشی حوكمه‌تا داوود ئوگلۆ كر و دیار كر ل توركیا چو پرسه‌ك ب ناڤێ پرسا كوردی نینه و یێن به‌حسێ مافێ كوردان دكه‌ن دخوازن توركیا پارچه بكه‌ن.
