باراك ئۆباما ل كوبانێ هاته سه‌ر دونیایێ
ئه‌ڤرۆ نیۆز:
خێزانه‌كا كورد ل باژێرێ كوبانێ ل سنۆرى توركیا ڤیان ب رێیه‌كا تایبه‌ت سوپاسیێن خوه ئاراسته‌ى سه‌رۆكێ ئه‌مریكى باراك ئۆباماى بكه‌ن ب سه‌ده‌ما وێ پشته‌ڤانى و هاریكاریا بۆ خه‌لكێ كوبانێ ب هنارتنا چه‌كى ب رێا فرۆكان یان ژى هێرشێن ئه‌سمانى دژى چه‌كدارێن داعشێ كرین.
سه‌میانێ خێزانا كورد یێ كوبانى بۆ ئاژانسا فرانس پرێس گۆت: پشتى خودێ كوڕه‌ك دایه خێزانا من مه ناڤێ وى كره (محه‌مه‌د ئۆباما) ب ناڤێ سه‌رۆكێ ویلایه‌تێن ئێكگرتیا ئه‌مریكى، هه‌روه‌سا دیاركر، ئه‌و ناڤ ب هه‌موو دلێ خوه من دانا و ژێگرت و چو جاره‌كێ ئه‌ز ناڤێ وى ناگوهۆڕم، چونكى ئۆباماى فرۆكێن هاریكاریێ بۆ مه هنارتن، ب خێرا وان هاریكاریان دێ داعشێ قورتال بین و ڤه‌گه‌رێن مالێن خوه.