باران
The following two tabs change content below.
Naci Badel
Latest posts by Naci Badel (see all)
- پشتی كۆمبوونەكا درێژ ل گەل زەیدی، سەرۆكێ فراكسیۆنا پارتی چارەسەرییا قەیرانا كارەبا كەركووكێ ڕاگەهاند - نوفمبر 4, 2026
- فراكسیۆنا پارتی و پێكهاتە داخوازا كاراكرنا پەرلەمانێ كوردستانێ دكەن - نوفمبر 4, 2026
- حەیدەر شەشۆ: هندەك ژ وان كەسێن ل شنگالێ بەرپرسیاری هەی نە ئێزدینە و نە ژی ئیراقینە - نوفمبر 4, 2026
هدی عارف دۆسکی
تۆ کیژ بارانی ل سەردێمێ من
د باری
تۆ کیژ بای ل سەر روحا من
د فڕی
تە نانیاسم، نە دزانم دوستی
نەژی نەیاری
ئەو هروبایێ خۆ یێ دژوار
دناڤا داڤێن پرچا من دا دبۆرینی
وان چبکێن خۆ یێن سار
ل هەمبێزا دێمێ من دا گەرم دکەی
نە دزانم رۆندکن یان ژی
چپکێن بارانا تە نە ل سەر
رویێ من..
ژ من ڤە بە
ئێدی نەشێم هەر
ڕوندکێن من تێکەلی چپکێن خۆ
یێن درەو بکەی
و ل دووماهیێ ژی
دێمێ من سار بکەی
و رۆناهیێ ژ دلێ من ب ڤەمرینی
ژ من ڤە بە.. ژ من ڤە بە
ئەڤرۆ نیڤا مەها نوڤەمبەرێ یە
ژیان بلا دگەل سەمایا چپکێن تە دەستپێ نەکەت
وەکی هەمی سالان
ل دەستپێکێ خۆشی و ڤیانێ ژ بۆ من
د گەل خۆ د ئینی
و ل دووماهیێ ژی خەم و ژانا
دگەل خۆ د ئینی
دناڤا جانێ من دا دچینی.
