بازارەکێ نوو بو فروتنا بەرهەمێ خومالی ل باگێرا هاتە چێکرن
ئەڤرۆ نیوز، نەوزاد هلۆری:
ب مەرەما گرنگیدان ب بەرهەمێ خۆمالی، بازارەکێ تایبەت ب فروتنا بەرهەمێ خومالی ل کومەلگەها باگێرا یا سەر ب ناوچەداریا زاویتە هاتە چێکرن، د نوکە دا ل قوناغا دوماهیێ یە و بەرهەمێ خومالیێ ئەڤ سالە ێ جوتیاران دێ هێتە وەرگرتن.
ئەنووازیای کاروان، سەرۆکێ باژێرڤانیا باگێرا بو ئەڤرو نیوز گۆت: (ب مەرەما خزمەتکرنا جوتیارێن دەڤەرێ و گرنگیدان ب چاندن و بەهەمئینانا بەرهەمێ نافخوە، سەروکاتیا باژێرڤانیا باگێرا، بازاڕەکێ تایبەت ب فروتنا بەرهەمێ خومالی ل باگێرا دروست کر، ئەڤرۆ دەست ب کونکرێتکرنا بازاڕی هاتەکرن).
زیدەتر گوت: (نوکە ئەڤ بازارە ل قوناغا دوماهیێ یە و وەرزێ ئەڤ سالە یێ بەرهەمێ چاندنێ دێ بەرهەمێ جوتیار و وەلاتێن دەڤەرێ وەرگریت، ب چو ئاوای ژی نابیت بەرهەمێ بیانی بهێتە د ناڤا بازاری د).
دهێتە زانین بازاڕێ ناڤبری سالا بوری ژی بەرهەمێ جوتیاران وەرگرتبو، بەلێ ژبەرکو چو جهێن تایبەت نەبوون بازار دناڤا باخچەییەکێ باگێرا هاتبویە دانان، د نوکە دا باژێرڤانیا باگێرا جهەکێ تایبەت ب بازارێ باگێرا یێ بەرهەمێ خومالی دانا.