بازاڕێ فرۆتنا گازێ هاته سوتن
ئه‌ڤرۆ نیۆز، قائید میرۆ
ئه‌ڤرۆ دده‌مێ ڤالاكرنا تانكه‌ره‌كێ ڤه‌گوهاستنا به‌رهه‌مێن گازێ لبازاڕێ هه‌ولێرێ ئاگربویێ و د ئه‌نجامدا هژماره‌ك ترۆمبێل هاتنه سووتن.
كافی عه‌بدولقادر، به‌رپرسێ ژۆرا عه‌مه‌لیات ل به‌ڕه‌ڤانیا باژێڕێ هه‌ولێرێ ب ئه‌ڤرۆ نیۆز راگه‌هاند” ئاگر پشتی نڤێژا ئێڤاری بوویه و پشتی هه‌لبوونا ئاگری بازاڕێ مه‌زن یێ سووته‌مه‌نیان بته‌مامی كه‌فته به‌ر ئاگری و پشتی گه‌هشتنا هه‌موو تیمێن ئاگر ڤه‌مراندنێ شیاین ئاگری كۆنتڕۆل بكه‌ین.
كافی گۆتژی” ئاگر د ده‌مه‌كیدا په‌یدابوویه دو تانكه‌ر مژۆلی ڤالاكرنا بارێ خوه بوینه و د ئه‌نجامدا هه‌ردو تانكه‌ر بته‌مامی هاتینه سووتن و هژماره‌ك تانكه‌رێن دیژی سووتینه به‌لێ هه‌موو به‌ده‌نێ وان نه‌گرتیه، دڤێ روویدانێ دا چو زیانێن گیانی نه‌بووینه و تنێ زیان ب بازاڕ و تانكه‌رێن ڤه‌گوهاستنا گازێ كه‌فتیه.
