بازاڕێ مسری ل دهۆكێ هاتە ڤەكرن
دهۆك، دلۆڤان ئاكرەیی:
دەڤەردارێ دهۆكێ دیاركر، پێشانگەها چارێ یا بازارێ میسری ل دهۆكێ هاتە ڤەكرن، ژبلی وەلاتێ میسرێ گەلەك وەلاتێن دی ژی تێدا پشكدارن و دبێژیت: ڤەكرنا ڤی بازاری دێ بیتە ئەگەر بۆ بهێز بوونا پەیوەندیێن بازڕگانی د ناڤبەرا بازارێن مە و یێن بیانی دا.
بریندار حەیدەر، دەڤەردارێ دهۆكێ بۆ رۆژنامەیا ئەڤرۆ گۆت: «ئەڤ بازارە بۆ دەمێ 25 ڕۆژان ل تێرمینالا دهۆكێ یا نێڤدەولەتی دێ بەردەوام بیت، د ڤی بازارێ میسرێ دا ژبلی كوردستان و میسرێ، چەندین وەلاتێن دی ژی پشكدارن، وەكو: وەلاتێن هندستان، پاكستان، ئیمارات، كوێت، ئوردن، و هندەك وەلاتێن دی».
گۆت ژی: «مەرەم ژ ڤێ فێستیڤالێ ئەوە، كو پەیوەندیێن بازڕگانی و كلتووری د ناڤبەرا كوردستانێ، ئیراقێ و میسرێ دا پتر بهێنە بهێزكرن».
