باسم قاسم: هەولێر دێ ب هێز ڤەگەڕیت و بێ هیڤی نابین
د داخویانیەكێ دا ڕاهێنەرێ تیما یانەیا هەولێر باسم قاسم دیار كر ئەو ژ ئەنجامێن یاریێن بۆری یێن تیما خوە د خولا ستێرێن ئیراقێ دا ڕأزینە و دڤێت هەر ژ یارییا ئەڤرۆ ڤەگەڕینە سەركەڤتنان، ئەڤچەندە د كۆنگرەیێ رۆژنامەڤانی یێ بەری یارییا وان یا ئەڤرۆ بەرانبەر یانەیا نەفت ئەوا دێ ل پایتەختێ ئیراقێ بەغدا ژ چارچووڤەیێ گەڕا 28ێ یا خولێ هێتە كرن.
ڕاهێنەرێ هەولێرێ گۆت: د چار یاریێن بۆری دا مە گەلەك خال ژ دەستدان كو تێرا هندێ هەبوو ئەم ل سەرێ لیستا خولێ بین، چار وەكهەڤی ب هیچ ڕەنگەگی ل سەر ئەنجامان د ڕازی نینن، ڕاستە ئەڤە فوتبۆلە و هەموو ئەنجام هەنە لێ دەمێ تیما مە باشتر بیت و خالان ژ دەستبدەت ئەم دڕازی نینن، یارییا ئەڤرۆ گەرەك یا گرنگە بەرانبەر نەفتێ، گەشبینم دێ هەولێر ب هێز ڤەگەڕیت و بێ هیڤی نابین ژ ڕێزێن پێشی.
بۆ زانین یانەیا هەولێر ل ڕێزا سێیێ دهێت ب كۆمكرنا 53 خالان، یانەیا نەفتب 37 خالان ل ڕێزا 10ێ دهێت ئەوا یانەیا جەوییە ب كۆمكرنا 63 خالان سەرێ لیستا خولێ دهێت.
