باغچێ زارۆكا بنیاتێ ئاڤاكرنا قوتابی یه
ئه‌ڤرۆ:
گومان نینه ل هه‌می وه‌لاتێن جیهانێ گرنگیه‌كا مه‌زن ب ئاڤاكرنا زارۆكی و تایبه‌ت ل قوناغا باغچه‌ی و دهێته‌دان و هه‌می بزاڤ دهێنه‌كرن كو مامۆستایێ ژ هه‌ژی بۆ ڤێ قوناغێ بهێنه دابینكرن ئانكو زێده‌تر باوه‌رنامه هه‌بیت ب وێ بهانایێ زارۆ لدووڤ حه‌ز و ئاره‌زویێن خوه و ب شێوه‌كێ موكم بهێته ئاڤاكرن و دوور ژ توند و تیژیێ، له‌وما گرنگه ل وه‌لاتێ مه ژی گرنگیه‌كا مه‌زن ب باغچێن زارۆكان بهێـته‌دان و زارۆك ل سه‌ر بنیاته‌كێ ساخله‌م بهێته ئاڤاكرن و ب بۆچوونا من نه‌بتنێ ئاڤاكرنا زارۆكی به‌لكو گوهورینا شێوازێ په‌روه‌رده‌كرنا وی زارۆكی ل سه‌ر بنه‌مایێن پێشكه‌فتی و جیهانا ئه‌ڤرۆ ئه‌و مامۆستا وی زارۆكی په‌روه‌رده بهێته گوهورین، ل سالێن بوری ب پشته‌ڤانیا ئێكه‌تیا مامۆستایێن كوردستانێ ده‌لیڤه بۆ مامۆستا هاته خورتكرن باوه‌رنامێن خوه راستڤه‌كرن و ژ دبلومێ گوهورین بۆ به‌كالوریوسێ و سال بۆ سالێ و قوناغ بۆ قوناغێ پێشكه‌فتنه‌كا باش ب مامۆستا هاته‌كرن و هه‌می بیاڤێن زانستی دا رۆله‌كێ كاریگه‌ر دیت،هێدی هێدی باغچێن زارۆكان ژی رۆلێ خوه یێ كاریگه‌ر گێرا و ئێدی مامۆستایێن خودان باوه‌رنامێن دبلوم ژی پشتی چه‌ندین سالێن ڤه‌قه‌تیانێ ژ خواندنێ جاره‌كا دی ل زانكۆیا زانكۆیا دهۆكێ به‌رده‌وامی دا خواندنا خوه و هێدی هێدی پرۆسێسا په‌روه‌ردێ ل ڤێ فوناغا گرنگ گه‌شه ب خوه ڤه دیته ڤه ، له‌وما ب گرنگی دبینم جاره‌كا دی ئه‌ڤ پشكا گرنگ خوه بینته ڤه ل زانكۆیا و زێده‌تر رۆلێ خوه بگێریت و بگه‌هیته وی ئاستی ئێدی خواندنا بلند ژی وه‌ك ماسته‌ر و دكتورا ل ڤێ پشكا گرنگ بهێته خواندن و ده‌رچووێن ڤێ پشكێ هه‌ست ب كێماسیێ نه‌كه‌ن و نه‌بتنێ خواندنا ڤێ پشكێ بۆ وه‌رگرتنا باوه‌رنامێ بیت به‌لكو بۆ پێشڤه‌چوونا ڤێ قوناغێ بیت وه‌ك ماسته‌ر و دكتورا و ئێدی هه‌موو بزاڤ و كارێ مه ئه‌و بیت خواندنا باغچێن زارۆكان ل كوردستانێ ژی وه‌ك هه‌می جیهانێ گرنگی پێ بهێته‌دان و ئێدی هه‌موو بزاڤێن مه ئه‌و بن بنیاتێ زارۆكێ مه ژی ل سه‌ر بنه‌مایه‌كێ ساخله‌م و هه‌ژی و لدووڤ ستاندارێن جیهانی بهێته ئاڤاكرن، گرنگه ل ڤێ قوناغا گرنگ ئێدی زارۆكێ كوردان ژی وه‌ك هه‌ر زارۆكێ جیهانێ ب ماف و حه‌زێن خوه ل ڤێ قوناغا ئاڤاكه‌ر شاد ببیت. و هه‌ست ب هه‌بوونا خوه بكه‌ت و قوتابخانه و خواندنگه‌ه ببنه ده‌رگه‌هێ ڤیانا وی بۆ حه‌زێن وی و به‌رۆڤاژی نه‌بنه ئه‌و ده‌رگه‌ه كو تێدا بره‌ڤیت یان حه‌ژێ نه‌كه‌ت و هه‌لبه‌ت ئه‌ڤه ژی هه‌می ل سه‌ر ئاڤاكرنا ساخله‌م دهێته‌كرن.
