باليوزێ هوله‌ندا پشته‌ڤانيا وه‌لاتێ خوه بۆ كابينه‌يا نه‌هێ دياركر
ئه‌ڤرۆ نيوز:
ئه‌ڤرۆ رۆژا سێشه‌مبى 30-7-2019 سه‌رۆكێ حوكمه‌تا هه‌رێما كوردستانێ مه‌سرور بارزانى پێشوازى باليۆز ماتيس ل باليوزێ هوله‌ندا ل عيراقێ و شاندێ دگه‌ل دا كر.
د كومبوونه‌كێ دا باليوزێ وه‌لاتێ هوله‌ندا ل عيراقێ پيروزباهى ل مه‌سرور بارزانى سه‌رۆكێ حوكمه‌تا هه‌رێمێ كر، و دياركر وه‌لاتى وى دێ ب هه‌موو شيانێن خوه پشته‌ڤانيا كابينه‌يا نه‌هێ يا حوكمه‌تا كوردستانێ كه‌ت ديسان دێ وه‌ك هێزێن هه‌ڤپه‌يمان وان ژى دێ به‌رده‌وام بن ل سه‌ر هاريكارى و راهێنانێن هێزێن پێشمه‌رگه‌ى.
ديسان باليۆز ماتيس دياركر وه‌لاتێ هوله‌ندا به‌رهه‌ڤه وه‌به‌رهێنانێ ل هه‌رێما كوردستانێ ئه‌نجام بده‌ت تايبه‌ت د بوارێ كشتوكالى دا.
ژلايێ خوه ڤه مه‌سرور بارزانى سوپاسيا باليوزێ هوله‌ندا كر بۆ پشته‌ڤانيا وان بۆ حوكمه‌تا كوردستانێ و هئه‌و پێدڤى ب وان دوستى خوه‌نه پشته‌ڤانيا كارناما حوكمه‌تا نوو يا هه‌رێمێ بكه‌ن تايبه‌ت د پێشخستنا بوارێ ئابورى يێ هه‌رێمێ دا.
