بزانه: بۆچى به‌غدا هه‌تا نها بودجا هه‌رێما كوردستانێ نه‌هنارتيه؟
ئه‌ڤرۆ نیۆز:
په‌رله‌مانتاره‌كێ كورد یێ سه‌ر ب لیستا هه‌ڤپه‌یمانیا كوردستانى ڤه دبێژیت، نورى مالكى بودجا ئه‌ڤ ساله یا تالان كرى، له‌ورا حوكمه‌ت دێ بودجا سالا 2015 ره‌وانه‌ى په‌رله‌مانى كه‌ت نه‌ك بودجا سالا 2014 ێ.
ئه‌ندامێ په‌رله‌مانێ عیراقا فیدرال یێ سه‌رب لیستا زه‌رڤه (عه‌ره‌فات كه‌ره‌م) بۆ مالپه‌رێ پارتى دیموكراتى كوردستان خوه‌یاكر، ئه‌ڤرۆ په‌رله‌مانێ عیراقێ وه‌زیرێ دارایى و پلان دانانێ و په‌ترۆلێ بۆ جڤاتا نوونه‌ران هاتن داخواز كرن، سه‌باره‌ت بودجا سالا 2014 بۆ په‌رله‌مانتارن هاته دیاركرن، سه‌رۆك وه‌زیرێن به‌رێ یێ عیراقێ نورى مالكێ بودجا سالا 2014 یا تالان كرى چو پاره نه‌مایه.
هه‌ڤده‌م عه‌ره‌فات كه‌ره‌م راگه‌هاند، گه‌شبینم دده‌مه‌كێ نێزیك دا به‌غدا سلوفه‌كى بۆ هه‌رێما كوردستانێ ره‌وانه بكه‌ت، چونكى من بخوه ل گه‌ل وه‌زیرێ داراى یا عیراقێ ئاخفتیه و به‌حسێ ڤێ مه‌سه‌لێ مه كریه، كو د ده‌مه‌كێ نێزیك دا سولفه‌ك بۆ هه‌رێما كوردستانێ بهێته ره‌وانه‌كرن.
هه‌روه‌سا ئه‌ندامێ جڤاتا نوونه‌رێن عیراقێ دیاركر، دبیت پشتى موحه‌ره‌مێ، حوكمه‌ت بودجا سالا 2015 ره‌وانه‌ى په‌رله‌مانى بكه‌ت و بودجا سالا 2014 ناهێته ره‌وانه‌كرن، ئه‌ڤه ژى وه‌سا دیار دكه‌ت كو كێشا بودجا هه‌رێمێ ل گه‌ل پرۆژه قانوونا بودجا سلا 2015 بهێته گه‌نگه‌شه‌كرن و چاره‌كرن.