بزانە سالا بۆری ئیرانێ چەند کورد دەستەسەر کرینە؟
ئەڤرۆ نیوز، هۆشەنگ تاجر:
هادی خوسرەوی ئەندامێ رێکخراوا مافێ مرۆڤان یا رۆژهەلاتێ کوردستانێ بۆ ئەڤرۆ نیوز دیار کر کو ل گۆر ئامارێن ل بەر دەستێ مە سالا بۆری ئیرانێ ٧١٠ وەلاتیێن کورد دەستەسەر کرینە کو زانیاریێن وان ل دەف مە هەنە و گۆت: (٤١٢ کەس ب تومەتا چالاکیێن سیاسی هاتینە گرتن، ١٧٠ کەس ژی چالاکڤانێن مەدەنی بووینە، ٣٩ کۆلبەر و ٣٥ چالاکڤانێن کرێکاری و هژمارەکا کەسێن دی ژی ب تومەتا چالاکیێن مەزهەبی هاتینە گرتن).
ناڤهاتی راگەهاند ژی کو ل گۆر زانیاریێن ل بەر دەستێ مە پتر ژ ٢٠٠ کەسێن دی ژی نها ل زیندانێن ئیرانێ دانە کو سالا بۆری هاتینە دەستەسەر کرن، لێ بەرپرسێن ئیرانێ ناهێلن زانیاریێن راست و دروست ل دۆر وان کەسان بهێنە بەلاڤکرن.
