بزانە كەنگی خەلك حەز ژ تە دكەن؟
دیڤێد سكۆت
وەرگێران: خالد عەلی
ئەو كەسێ حەز ژ تە بكەت دێ حەز ژ تە كەت، ژ بەركو حەز ژ تە دكەت، نە ژ بەر چ تشتێ دی.
ئەڤ راستیە نە یا پێدڤی ب چ شرۆڤەكرنایە.
هەرچاوا بیت، چ شرۆڤەكرن نابن كو بێژن ئەڤینێ ئەگەرێن خوە یێن سنوودار یان یێن بەرئاقل هەنە.
هەكە ئەڤینی و حەزژێكرن ل سەر بنیاتێ بەرژەوندی و پێدڤیبوونێ بیت، ئەو ئەڤینی دێ یا سست بیت و هەردەم دێ یا چاڤەرێكری بیت كو نەمینت.
ئەوێن ئەڤینیا خوە هوسا بۆ تە دیار دكەن ژبەر بەرژەوەندیا دێ ل دەستپێكێ هەست ب ئارامی و هێزێ كەی، لێ ئاگرێ ئەڤینیا وان دێ ڤەمریت و تو دێ وێ ئەڤینیێ رەت كەی.
ئەوێن رەوشەكا ئارام بۆ تە پەیدا دكەن، دێ ل دووماهیێ كۆنترولێ ل سەر تە كەن و ل گەل دەمی ژی دێ كەربێن تە ژ تە ڤەبن ب تایبەت دەمێ لاوازیا تە بۆ تە دیار دبیت و تو خوە د چاڤێن وان دا كێم دبینی.
ئەوێن بۆ تە خوشخوشكا دبێژن و ئەڤینەكا سەختە دیار دكەن، د دلێ خوەدا دبێژن تو خشیمی و نزانی جیاوازیێ بیخی دناڤبەرا ئەڤینێ و لەگلەگیێ دا. ئەو ب ڤێ چەندێ یاریا ب عەقلێ تە دكەن و تو باوەر دكەی دەمێ هەستەكێ نە ئارام بۆ تە پەیدا دبیت و هەست دكەی تو پێدڤی وانایی.
ئەڤینیا هەرە مەزن، ئەوە یا بێ ئەگەر و مەرج و هێجەت.
د گەل وی كەسی راستگۆ بە، یێ حەز ژ تە بكەت ژبەر تە ب خوە، یان حەز ژ شێۆازێ كارێن تە دكەت، یان حەز ژ روحا تە یا شرین و ترانكەر دكەت، یان ژ بەر كەسایەتیا تە حەز ژ تە دكەت. ئەڤە ئەون یێن ژ دل حەز ژ تە دكەن.
ئەز هەول ددەم یێ مەقبول بم ل نك كەسێن دیتر. ئەز ل ئەڤینێ نا گەرم.
تشتێ من دڤێت ئەز خوەبم و ئەز سوپاسیا خودێ دكەم كو ئەز كریم ئەز و پێشكێشی من كری.
