بزڤڕە بەری ڕۆژ ئاڤا ببیت
ژیمان مزووری
عە زیز، ئەگەر ته رۆژەکێ هه ست ب وه ستیانا من كربیت ئەو راستیا ژیانێ یه نه كو رەشبینی، و هەر كەسەکێ سروشتی دێ ئێشت، وەستیێت و تووڕه بیت و گەلەک جاران خراپتر ژی ژ ڤێ، ئەگەرێ شكەستنا من دیت ئهو نه لاوازیه، دڤێت بزانی ئەگەر توچه ند كەسەكا گەشبین بی وچەند ئەكتەرەك زیرەك بی دگەل رویدانێن ژیانێ دێ رۆژەكێ دانپیدانێ ب وێ راستیا ژیانێ یا تەحل كەی ئەوا رۆژانه ئەز بەحس دكەم كو ژیان گەلک یا بساناهی نینه مرۆڤ رۆژانه دێ هندەک تشتان بینت و زانیت کو ژ یا دوهی بزەحمەتر و ب ئێشانترە، من دڤێت كەسەكا سروشتی بم، نه كو بەحسی خەیالان بكەم، گەر ئەز چەند ته ب خەون و خەیالان نازدار ژی بكەم رۆژەکا ب با و باهۆز دێ نیشا ته دەت كو تو پێدڤی ب هندێ بووی کو راستیێ بزانی، ژبەر ڤێ دا کو ب هێزبی بۆ بەرسینگگرتنا وی هڕەبایێ ب ڕێڤە دهێت، پێشبینیا هه ر تشتی بكه كو رویبدەت و بۆ ڤێ چەندێ خۆ بەرهەڤ بکە. هنده ك جاران مرۆڤ نه شێت ئەو ئەكتەرە بیت یێ بتنێ رۆلێ كەسەکی دل خۆش دگێڕیت، جاران مرۆڤ ل نیڤا مەیدانا ژیانێ چۆك و چۆك ب ئەردی دكەڤیت و هەر تشت دمرۆڤی دا دئێشیت و بژالە دبیت، لێ نابێژنە ڤێ لاوازی بەلکو نابێژن ژی ڤێ دووماهیا دونیایێ، دبێژن ڤان قۆناغێن نیشادانا تەعلاتییێن ژیانێ، مرۆڤ دێ کەڤیت، لاوازبیت، ئیشیت، نەخۆشی و ئاستەنگان بینیت، لێ چو ژ ڤانان رێکێن دووماهیا گەشتا مە نینن ل ڤێ دونیایێ، ژبلی وێ ئەوا کو خودێ دانای. دێ رۆژەکێ گەشتا مە ل ڤێ جیهانا بێ ڕامان ب دووماهی هێت و هـیشتا پاپۆڕا گەشتا مە یا مایە ب ڕێڤە و ژیێ مە ژی هێژ ل دەستپێکا بوهارا خۆ یە و نە چرمسی یە..
لەوڕا مەزنان گۆتیە ل نیڤا ڕێ ژی پەشیمانی یا باشە، بزڤڕە بەری کو ڕۆژ ئاڤا ببیت و بوهار بیتە پویش و پەلەخ و پەشیمانیێ ژی چو بوها و مفایێن خۆ نە بن …