بلا دەنگـێ مە بـۆ لیستا 275 بیت
رەحیما بەرواری
پارتی دیموكراتی كوردستان ئەڤە 79 سالە یا ئێكێ یە ل سەر هەرێما كوردستانێ و ل دەڤەرێ، ئەرێ چ پالدەر و پشتەڤان بوویە بۆ ڤێ چەندێ؟ چ بنەما هەنە هۆسا خوڕستی بیت كو هەتا نوكە بەرهەمێ وێ مای و دێ هەتا هەتا ژی مینیت؟ بەرسڤ ژی ئەوە كو د درێژیا دیرۆكێ دا ژ ڤان 44 پارتێن نوكە د گۆرەپانێ دا هەین، چ پارتا وەك پارتی دیموكراتی كوردستان خۆ ل خەلكێ خۆ نەكریە خۆدان، چ پارتا وەك پارتی كار و خزمەتا دیار و بەرچاڤ و دلسۆزانە بوو گەل وەلاتێ خۆ نەكریە و چ پارتا وەك پارتی دیموكراتی كوردستان بەرەڤانی ژ خاك و وەلاتی و بەرەڤانی ژ ماف و ئارامی و ئازادیا خەلكی نەكریە. هەر پارتییە ئەو پارتا چ جاران بێ هیڤی نەبووی و بێ هیڤی ژی نابیت، هەردەم ژی ئامادەیە بۆ پاراستنا دەستكەفتیێن مەزنێن ئەڤرۆ، ئەڤ دەستكەفتییە ژی هەر پارتی ب دەست میللەتی ڤە ئیناینە ب خەباتەكا درێژ ب خوینا پاكا هزارەهان شەهیدان و خوها ئەنیا پێشمەرگەهێ قارەمان.
پارتی دیموكراتی ئەو پارتە یا ل سەر دەستێن مرۆڤەكێ كاریزما و دادپەروەر و ئازا و خۆدان ئیرادەكا پۆلایی ئاڤابووی یێ نە ب تنێ مللەتێ كورد، بەلكو جیهان هەمی شانازیێ پێ دبەت، ئەو ژی جەنەرال (مەلا مستەفا محەمەد عەبدولسەلام بارزانی)، یێ هەمی ژیانا خۆ تەرخانكری، پێخەمەت خەباتێ بۆ دەركرنا دوژمن و داگیركەران ژ كوردستانێ و رزگاركرنا كوردستانێ ژ پوستالێن دوژمنان. ئەڤ سەركردێ د ژیێ سێ سالیێ دا تامكری زیندانێ ل مووسل و ل ژیێ گەنجاتیێ پشكداری د شۆرشا سەعیدێ پیران و شۆرشا مەحموودێ حەفید دا كری، دوژمن وەسا ژێ دترسیان هاتبوو نەفی كرین بۆ سولەیمانیێ و پاشی بەر ب ئیرانێ ڤە چووی و بوویە سەركێشێ لەشكری و ل گەل پێشەوا قازی محەمەد دەولەتا كوردستانێ ل مهابادێ راگەهاندی و بوویە سەرۆك ئەركانێ لەشكرێ دەولەتا كوردی ل مهابادێ. پشتی ژ ناڤچوونا دەولەتێ قازی محەمەد ئالایێ كوردستانێ رادەستی دەستێن وی یێن ئەمین كر، گۆتە بارزانی من باوەریا هەی دێ ڤی ئالایی پارێزی. پشتی سێدارەدانا قازی محەمەد ل گۆرەپانا چارچرا، بارزانیێ نەمر د رێپیڤەدانەكا دیرۆكی و درێژ سنوورێن سێ دەولەتا بەزاندن و رویبارێ ئاراس دەربازكر دگەل 503 پێشمەركەهێن قارەمان و گەهەشتنە ئێكەتیا سۆڤێت. پشتی مانا 11 سالان ل ئێكەتیا سۆڤێت زڤریەڤە ل گەل هەر 503 پێشمەرگەهێن قارەمان بێ كو یەك كەس ژی بیروباوەرێن خۆ بگوهۆریت. پشتی عەبدولكریم قاسمی سەرۆكێ ئیراقێ یێ وی سەردەمی سوزێن خو ب جهــ نەئیناین ل ساڵا 1961 ـێ ل 11 ئەیلولێ شۆرشا مەزنا ئەیلولێ دەسپێكر و ب ئیرادەیەكا پوڵایی دربێن كوژەك داوەشاندن دۆژمنا تا مەجبوركرین ل ١١ ئادار 1970 ماڤێ ئەتونومی بدەنە بارزانی و میللەتێ كورد. لێ ل 6 ئادار سالا 1975 رێكەفتنا خیانەتكاریا جەزائیر هاتە ئیمزاكرن و نەكسە ب شۆرشێ كەڤت، لێ ب بۆرینا ساڵەكێ و دو هەیڤان ب رێبەریا سەرۆك مەسعود بارزانی شۆرشا گولانا درێژە پێدەرا ئیلۆنا مەزن هاتە راگەهاندن و دربێن كوژەك بۆ دوژمنان هاتنە ئاراستەكرن. پشتی دوازدە سالان؛ دوژمنان هەمی هێزا خۆ بكارئینا و هێرش كرە كوردستانێ ب مەرەما كورد قڕانێ ل سالا 1988 و خەلكێ مە پێشمەرگە دەربەدەری توركیا بوون ل 5 ئادارێ سالا 1991 چریسكا سەرهلدانا مەزن ل ڕانیا دەسپێكر و بوو سەرهلدانەكا سەرانسەری و كوردستان رزگاربوو، هەتا سالا 2093 ژناڤچوونا رژێما سەدامێ دكتاتۆرێ چەرخێ بیستێ هاتە راگەهاندن و ئیراق و كوردستان ئازادبوون. هەتا نوكە كوردستانا ئازاد و ئارام و ئاڤەدانە؛ سایا سەرێ سەركردایەتیا حەكیمانە ب سەرۆكاتییا سەرۆك مەسعود بارزانی. ئەڤا مە ب كورتی گۆتی چپكەك ژ دەریا مەزنا خەباتا پارتی بوو، لەورا هەتا نوكە پارتا ئێكێ یە و یا ژ هەژیە دەنگێن خۆ بدەینە لیستا 275 دا هەردەم پاراستی و ئارام و ئازاد بمینین.
