بنگەهەكێ بەرگرییا شارستانی ل ناوچەداریا بێگۆڤا دێ هێتە ڤەكرن
زاخۆ، دلۆڤان هالۆ:
ل ناوچەداریا بێگۆڤا یا سەر ب دەڤەرداریا باتیفا ڤە تیمەكا بەرگرییا شارستانی هاتە ڤەكرن.
موقەدم جەمال هەسن، ڕێڤەبەرێ بەرگرییا شارستانی ل زاخۆ بۆ ڕۆژناما ئەڤرۆ دیار كر كو ب مەرەما پاراستنا سەر و سامانێ وەلاتیان ژ ڕوودانێن نەچاڤەڕێكری، دیسا ژ بەركو دووراتی د ناڤبەرا دەڤەرداریا باتیفا و ناوچەداریا بێگۆڤا دا هەیە، وان ب فەر زانی تیمەكا بەرگرییا شارستانی ل ناوچەداریا بێگۆڤا ڤەكەن.
ناڤهاتی گۆت: «ل وەرزێ هاڤینێ دێ تیمەكا نقوومڤانێن شارستانی ژی ل بێگۆڤا دانین، دیسا مە ل بەرە ل داهاتی بنگەهەكێ بەرگرییا شارستانی ژی ل ڤێ ناوچەداریێ ڤەكەین».
