بهایێ فرۆتنا ئاری بۆ نانپێژییان هاته دیار كرن
ئه‌ڤرۆ:
جه‌هوه‌ر عه‌لی قائیمقامێ قه‌زا دهۆكێ دوهی ب ئاماده‌بوونا رێڤه‌به‌رێ چاڤدێریا بازرگانی و دان و دكاكان و به‌رپرسێ هۆبا ئابووری یا ئاسایشا باژێری و سه‌رۆكێ سه‌ندیكا كرێكاران و بریكارێن ئاری و خودانێن (هه‌زازێ )یان موخلكرنا ئاری و نوونه‌رێن نانپێژییا و بریكارێن ڤه‌گوهاستنا ئاری ژ كارگه‌ها بۆ بریكاران كۆمبوون.
د كۆمبوونێ دا ئه‌ڤ بریاره هاتنه دان.
. بریكارێن ئاری ئێك فه‌ردێ ئاری ب (19) هزار دیناران بفرۆشته خودانێن موخلكێن ئاری.
. خودانێن موخلكێن ئاری فه‌ردێ ئاری ب ( 24)هزار دیناران بده‌نه خودانێن نانپێژیا و سه‌مونخانان.
. نابیت به‌لێنده‌رێ ڤه‌گوهاستنا ئاری ژ كارگه‌ها بۆ بریكاران و شوفێرین بارهه‌لگرێن وی بازرگانی ب ئاری و به‌لاڤكرنێ بكه‌ت و بۆ ڤێ مه‌ره‌مێ سۆزنامه دێ ژێ هێته وه‌رگرتن.
