بهایێ 100 دۆلارێن ئەمریكی دێ بیتە 140 هزار دینارێن ئیراقی
هەولێر، قائید میرۆ:
بسپۆرەكێ ئابووری ئاشكرا كر، پشتی بجهئینانا هندەك رێكارێن تایبەت ب دراڤی دێ بهایێ دۆلاری هەمبەر دینارێ ئیراقێ داكەڤیت و 100 دۆلار دێ بەرامبەر 140 هزار دینارێن ئێراقی جێهگیر بیت.
پرۆفیسۆر خالد حەیدەر، بسپۆرێ ئابووری بۆ رۆژناما ئەڤرۆ دیار كر، پشتی سەرەدانا سوودانی بۆ ئەمریكا پێشبینی دهێتە كرن رێككەفتن د ناڤبەرا ئەمریكا و ئیراقێ دا هەبیت بۆ جێهگیركرنا بهایێ دۆلاری، لەوڕا ژی چەند رۆژەكە بهایێ دۆلاری هەمبەر دینارێ ئیراقی داكەفتیە، چونكی دێ دۆلارێ كاش زێدەتر كەڤیتە بازاڕی و رێك ب ئیراقێ ژی هاتیەدان مامەلەیێن دراڤی ل گەل چەندین وەلاتێن دی بكەت، ئەڤە ژی دێ هاریكاربیت بۆ بلندبوونا بهایێ دینارێ ئیراقی هەمبەر دۆلارێ ئەمریكی».
پرۆفیسۆر خالد حەیدەر گۆتژی: «بەری نوكە ل ئیراقێ كار د هاتە كرن مامەلە ب دۆلاری نەهێتە كرن و ئەز باوەرم پشتی بجهئینانا هندەك رێكاران دێ بهایێ دۆلاری هەمبەر دینارێ ئیراقی دێ داكەڤیت، ب رەنگەكی 100 دۆلار هەمبەر 140 هزار دیناران مامەلە دێ پێ هێتە كرن».
