به‌رازیل سه‌ركه‌فتنه‌كا دراماتیكى توماركر
ئه‌ڤرۆ نیوز:
هه‌لبژارتیێ به‌رازیل سه‌ركه‌فته‌كا ب زه‌حمه‌ت و دراماتیكى توماركر ب دو گۆلان بێ به‌رامبه‌ر لسه‌ر هه‌لبژارتیێ كوستاریكا.
د نیڤا ئێكێ دا سه‌ره‌راى هه‌لبژارتیێ به‌رازیلى فشاره‌كا مه‌زن لسه‌ر گۆلا كوستاریكا په‌یداكربوو لێ ژ ئه‌گه‌رێ وێ به‌ره‌ڤانیا دژوار یا یاریزانێن كوستاریكا نه‌شیان چو گۆلان توماربكه‌ن و نیڤا ئێكێ بێ گۆل ب دوماهى هات.
د نیڤا دویێ دا هه‌لبژارتیێ به‌رازیل ب هه‌مى شیانێن خوه به‌رده‌وامى دا فشارێن خوه لسه‌ر گۆلا كوستاریكا لێ دیسان ژئه‌گه‌رێ به‌ره‌ڤانیێ چو مفا ژ هێرشێن وێ نه هاته وه‌رگرتن تایبه‌ت هێرشبه‌رێ به‌رازیلى نیمارى د دو ده‌لیڤه‌یێن مسوگه‌ر دا نه‌شیا گۆله‌كێ بۆ وه‌لاتێ خوه توماربكه‌ت به‌رامبه‌ر هه‌لبژارتیێ كوستاریكا تنێ پشته‌بستن لسه‌ر هێرشێن هه‌ڤدژ دكرن و گیروكرنا یاریێ هه‌تا ده‌قیقه‌یا 91 ژ یاریێ ده‌مێ كوتینیوى مفا ژ هێرشه‌كێ دیتى و شیاى گۆلا سه‌ركه‌فتنێ بۆ به‌رازیل توماربكه‌ت پشتى ڤێ گۆلێ نیمار داسلێڤا شیا گۆلا دویێ ل ده‌مێ زێده‌كرى 95 توماربكه‌ت و یاریێ ب دو گۆلان بێ به‌رامبه‌ر ب دوماهى بینت و سێ خالێن گرنگ بۆ وه‌لاتێ خوه مسوگه‌ر بكه‌ت.
