به‌رامبه‌ر تالانكرنا هه‌ر تاخه‌كى داعش ملیۆن دیناران وه‌ردگرن
ئه‌ڤرۆ نیوز، له‌زگین جۆقى:
رێڤه‌به‌رێ ناحیا سنوونى بۆ ئه‌ڤرۆ نیوز دیاركر، پشتى ناحیا زومار و ره‌بیعه هاتینه كونترولكرن ژلایى پێشمه‌رگێ كوردستانێ ڤه خوه كوژێن داعش پلانه‌ك دانایه بۆ تالانكرنا هه‌موو كۆمه‌لگه‌ه و گۆندین سه‌ر ب ناحیا سنوونى ڤه نوكه به‌رامبه‌ر تالانكرنا هه‌ر تاخه‌كێ ل ده‌ڤه‌رێ ملیۆن دینار دهێنه وه‌رگرتن.
نایف سه‌یدو رێڤه‌به‌رێ ناحیا سنوونى دیاركركو خوه كوژێن داعش بخوه سه‌رپه‌رشتیا تالانكرنا مال ومولكێن وه‌لاتیان دكه‌ن، به‌رامبه‌را ملیۆن دیناران عه‌ره‌بێن خه‌لكێ ده‌ڤه‌رێ مالان تالان دكه‌ن و مال ومولكێن وه‌لاتیان به‌ره‌ڤ ته‌له‌عفه‌ر دبه‌ن.
نایف سه‌یدو گۆت: خوه كوژێن داعش یێ مالین وه‌لاتیان دفرۆشنه عه‌ره‌بان نوكه هه‌موو گۆند وكۆمه‌لگه‌ه هاتینه تالانكرن چوو تشت دمالێن وه‌لاتیاندا نه‌هێلاینه دووڤ پیزانێن گه‌هشتنه مه هه‌تا نوكه پتریا گۆند و كۆمه‌لگه‌هان یێن هاتینه تالانكرن و هه‌ر ده‌مێ سنوونى بهێته رزگاركرن دێ ئه‌م ڤه‌گه‌رنه سه‌ر ئاڤاهێن خڕر وخالى.