به‌غدادى دڤێت هێرشان بكه‌ته سه‌ر سعودیێ
ئه‌ڤرۆ نیۆز:
د گرته‌كا ده‌نگى دا كو لسه‌ر زارێ ئه‌بو به‌كر به‌غدادى سه‌ركردێ چه‌كدارێن داعشێ هاتیه به‌لاڤكرن، تێدا داخواز ژ ئه‌ندامێن تیرۆرى یێن داعشێ ل وه‌لاتێ سعودیێ كریه چه‌كى هه‌لگرن دژى پاشایێن سعودیێ، چونكى خیلافه‌تا وى چار وه‌لاتان ڤه‌دگریت و ئێك ژوان وه‌لاتێ عه‌ره‌بیا سعودیه.
به‌لێ هه‌تا نها ئاژانسا رۆیته‌ز گۆمان ل سه‌ر وێ گرته‌یا ده‌نگى هه‌یه و دبێژیت، ئه‌و ده‌نگ هه‌تا نها بۆ مه ب ئاشكراى دیار نه‌بوو كو ده‌نگێ به‌غدادى بیت، ژئالیه‌كێ دیڤه په‌یڤدارا بناڤێ وه‌زاره‌تا ده‌رڤه‌یا واشنتون جین ساكى هه‌مان بوچوون ل سه‌ر وى ده‌نگى هه‌بوون.
جین ساكى د كونگره‌كێ رۆژنامه‌ڤانى دا گۆت: یا دیاره هۆڤاتى و ده‌نگه ده‌نگ و هودانا ژ ئالیێ داعشێ ڤه، دیارده‌كا نوو نینه، ته‌كه‌س كو ئه‌و بۆ هه‌موو جیهانێ دوپات دكه‌ن نیازێن وان یێن خراب چنه.
هه‌ژى گۆتنێ یه كو دوێ گرته‌یا ده‌نگى دا چو ئاماژه ب دیروك یان به‌روه‌ارا وێ گۆتنێ نه‌داینه، بتنێ ئاواژه دایه هنارتنا 1500 سه‌ربازێن ئه‌مریكى بۆ عیراقێ.
