به‌غدا ب 150 ملیاران قه‌ردارى جوتیارێن پارێزگه‌ها سلێمانیێ یه
ئه‌ڤرۆ نیۆز:
سه‌رۆكێ لیژنا بلندا وه‌رگرتنا گه‌نمى ل پارێزگه‌ها سلێمانیێ گۆت: به‌غدا دێ چه‌كه‌كێ ب 18 ملیار دیناران بۆ هه‌رێما كوردستانێ هنێریت، هه‌روه‌سا دیاركر، هه‌تا نها ئێك ل سه‌ر سیێ جوتیارێن سنۆرێ پارێزگه‌ها سلێمانیێ پارێ به‌رهه‌مێ گه‌نمێ هاتیه فرۆشتن وه‌رنه‌گرتیه.
عه‌بدولخالق محه‌مه‌د سه‌رۆكێ لیژنا ناڤبرى راگه‌هاند، نها كوژمێ (18) ملیار دینار ژ ئالیێ وه‌زاره‌تا دارایى عیراقێ گه‌هشتیه به‌ر ده‌ستێن مه كو ل سه‌ر جوتیاران بهێته بلاڤكرن.
هه‌روه‌سا گۆت: بزاڤێن مه ل گه‌ل وه‌زاره‌تا بازرگانیا هه‌رێمێ ئه‌وه كو ڤێ جارێ كوژمه‌كێ پتر بهێته ره‌وانه‌كرن بۆ هه‌رێما كوردستانێ، چونكى هێشتا ژماره‌كا زۆرا جوتیاران ماینه هه‌تا نها پاره‌ێ به‌رهه‌مێ فرۆشتیێ كارێن خوه وه‌رنه‌گرتینه.
عه‌بولخالق محه‌مه‌د ئاماژه‌دا هندێ ژى، جوتیاراێن پارێزگه‌ها سلێمانیێ ب رێیا سایلویان ب بهایێ (150) ملیار دیناران گه‌نم ب حوكمه‌تا ناڤه‌ندیا به‌غدا هاتیه فرۆشتن، به‌لێ هه‌تا نها بتنێ بهایێ (50) ملیار دیناران گه‌هشتیه به‌رده‌ستێن جوتیارێن پارێزگه‌ها سلێمانیێ.