به‌فر
ئه‌رێ بیرا ته دئێت
دگه‌ل هاتنا به‌فرێ
سه‌روسیمایێ من و ته
دگه‌ل جوانیا
سپیاتییا به‌فرێ
چه‌ند یێ ب گڕنژین بوو
هێشتا ئه‌ز و تو
دگه‌ل هاتنا به‌فرێ و
ده‌مێ به‌فر دكه‌ت ..
من و ته پێگڤه
ژ جوانیا سپیاتییا به‌فرێ
لێڤێن ته یێن ب حه‌نه‌ك و
ب گڕنژین ڤه
ته دگۆت ئه‌ز و تو
دێ د به‌ریكانا به‌فرێ دا
دگه‌ل زارۆكێن تاخێ مه
دێ ب سه‌ركه‌ڤن ….
ئه‌رێ بیرا ته دئێت
من و ته پێگڤه
خانیێن بچووك
په‌یكه‌رێن مرۆڤان
ژ خه‌مل و جانیا
سپیاتییا به‌فرێ
ژێ چێ دكرن …
ته ژی به‌ره و به‌ره
وێنه‌یێن دلێن عاشقا
ژ سپیاتییا به‌فرێ
ژێ چێ دكرن …
هه‌ر من دگۆت ته
ئه‌ڤ چ وێنه‌یێن دلانه
ناڤێ من و خوه ل سه‌ر دنڤێسی؟
ته ژی دگۆت:
ئه‌ڤه دبنه یادگارێن عاشقان
گه‌ر ئه‌ز تو مه‌زن بوون
دا ئێكودو ژ بیرنه‌كن
من هزردكر هه‌تا هه‌تا
دگه‌ل ئێك دژین
فه‌له‌كێ وه‌ك یاریا
چه‌رخ و فه‌له‌كێ
رووێ خوه ژ من وه‌رگێرایی
ئه‌م ژئێك دووركرن
هه‌ر جار من دگۆت
تو بو منی
تو ژ جوانیا سپیاتییا به‌فرێ
جوانتر و شرینتری
شه‌كرۆكا ل به‌ر دلێ منی …
ما هاتنا به‌فرێ
بۆچییه من ئاش ناكت
كی هه‌یه
یا دلێ من و ته بزانت
ژ خه‌مل و جوانیا سپیاتییا به‌فرێ
ناڤێ من و ته
دگه‌ل هه‌می یادگاران
لسه‌ر رووێ سپیاتییا به‌فرێ
ژێ بنڤێسیت
وێنه‌یێن دلێن عاشقا
ژێ چێ بكن ….
هه‌لبه‌ست / زه‌نون سلێڤانه‌ی ـ زاخو
