به‌لاڤكرنا پێزانینان ل دۆر كچ و ژنێن ئێزدی هاته قه‌ده‌غه‌كرن
ئه‌ڤرۆ نیۆز، قائید میرۆ
وه‌زاره‌تا ره‌وشنبیری و لاوان یا حوكمه‌تا هه‌رێما كوردستانێ، هه‌موو ده‌زگه‌هێن راگه‌هاندنێ هایداردكه‌ن، ب چو شێوه‌یه‌كی نابیت رۆمالێ رزگاركرنا كچ و ژنێن كوردێن ئێزدی بكه‌ن یێن ژلایێ داعش هاتینه ره‌ڤاندی.
د راگه‌هاندنه‌كێ دا كو وێنه‌یه‌ك گه‌هشتیه مالپه‌ڕێ ئه‌ڤرۆ نیۆز و تێدا هاتیه” ژبه‌ركو پرۆسا رزگاركرنا كچ و ژنێن كوردێن ئێزدی بێ ئاریشه بڕێڤه‌بچیت، بۆ چو ده‌زگه‌هێن راگه‌هاندنێ نینه، ب چو شێوه‌یه‌كی رۆمالێ رزگاركرنا كچ و ژنێن ئێزدی بكه‌ن، چ وه‌كی رایۆرت و نوچه و به‌لافكرنا هه‌ر زانیاریه‌كێ.
وه‌زاره‌تا ره‌وشنبیری نڤیسیه” ئه‌ڤه هه‌موو بۆ پاراستنا پێگا كۆمه‌لایه‌تیا وان و پرۆسا رزگاركرنا كچ و ژنێن ئێزدیه و هه‌ر ده‌زگه‌هه‌كێ زێده‌گاڤیێ بكه‌ت و ئه‌ڤێ بڕیارێ بجه نه‌ئینیت، ئه‌ڤه دێ پێڕابوونێن قانوونی هه‌مبه‌ر هێنه وه‌رگرتن.
