به‌لجیكا ژێده‌رێ گرنگێ ریكلاما چه‌كدارێن داعشێ یه
ئه‌ڤرۆ نیۆز:
پرۆپاگندا پشته‌ڤانیكرنا بۆ چه‌دارێن داعشێ ل گۆڕ ڤه‌كولینه‌كا ئه‌ورۆپى كو ژ زانكۆیا میلانو یا ئیتالى ڤه هاتیه به‌رهه‌ڤكرن دیاركر، د ده‌مێ دناڤبه‌را ئێكێ تیرمه‌هێ و هه‌تا 20 چریا ئێكێ، ڤه‌كۆلینا ناڤبرى پشتبه‌ستنا خوه ل سه‌ر ناڤه‌رۆكا نامه و تغریدات و گرته‌یێن ڤیدیویێ یێن ل سه‌ر توڕێن جڤاكى دهێنه به‌لاڤكرن.
كو پڕانیا وان ب زمانێ عه‌ره‌بى پشته‌ڤانیا خوه بۆ جیهادێ و چكدارێن داعشێ ده‌ربڕینێ دكه‌ن، دیاركرن كو 31% ژ پشته‌ڤانیكرنا وان رێكخستنا ب زمانێ عه‌ره‌بى ژ وه‌لاتێ به‌لجیكا ده‌ردكه‌ڤن، پاشى وه‌لاتێ فره‌نسا ب رێژا 10% دهێت.
ڤه‌كولینا ئیتالى هه‌روه‌سا ئاماژه‌دا هندێ، كو جهێ هه‌ره كێم بۆ پرۆپاگندا گرۆپێن چه‌كدار ژ وه‌لاتێ سوریا دهێن، كو برێژا (7،6%) بتنێ بوویه به‌رانبه‌رى (9،7%) ژوه‌لاتێ عیراقێ دهێن، و رێژا پرتیا هه‌ره مه‌زن ژ وه‌لاتێن قه‌ته‌ر و پاكستان دهێن.
هه‌ر ب هه‌مان بابه‌تێ ناڤبرى ژێده‌رێن پۆلیسێن فیدرالى راگه‌هاندن ئه‌م سه‌ره‌ده‌ریه‌كا رژدى ل گه‌ل هه‌موو كارێن پرۆپاگنده‌كرنا پشتڤانیا تیرۆرێ ل به‌لجیكا دكه‌ین، و چاڤدێریه‌كا هه‌ره باش بو وان كه‌رستێن پرۆپاگنده‌كرنێ ل گۆڕ ده‌ربرینێ دكه‌ین.
