بوچى عه‌بادى نه‌هێلا ڤیان ده‌خیل ببیته وه‌زیرا ئافره‌تان ؟
ئه‌ڤرۆ نیۆز:
ژێده‌ره‌كێ ئاگه‌هدار ل حوكمه‌تا عیراقێ ئاشكراكر، سه‌رۆك وه‌زیرێن عیراقێ حه‌یده‌ر عه‌بادى به‌ربژاركرنا نوونه‌را ئێزدى ڤیان ده‌خیل یا سه‌رب لیستا هه‌ڤپه‌یمانیا كوردستانى ڤه بۆ پۆستێ وه‌زیرا ده‌وله‌تێ بۆ كاروبارێن ئافره‌تان ره‌تكر، پۆستێ وه‌زاره‌تا ناڤبرى بۆ به‌بژاره‌كا حزبا ئیسلامى یا عیراقێ هێلا.
ژێده‌رى هه‌روه‌سا گۆت: حه‌یده‌ر عه‌بادى دیاركر وه‌زاره‌تا ژنان نوونه‌ریا قه‌باره‌كێ به‌رفره‌هێ جڤاكێ عیراقى دكه‌ت و نابیت ئافره‌تك وێ پۆستێ وه‌ربگریت كو بتنێ نوونه‌را ئافره‌تێن ئێزدیان بكه‌ت.
ژێده‌رى خوه‌یاكر، نابیت هه‌ڤپه‌یمانیا كوردستانى گوهداریا گڤاشتنێن عه‌بادى كربا و ده‌ست ژ به‌ربژارا خوه ڤیان ده‌خیلێ به‌ردابان چونكى ئه‌و هه‌ژى وى پۆستى یه، دیسان دیاركر، ڤیان ده‌خیل سه‌ركه‌فت ب ئازراندنا رایا جیهانى دژى داعشێ، زێده‌بارى وێ خه‌لاته‌كێ مه‌زن ژ رێكخراوا ده‌ولى ل له‌نده‌نێ وه‌رگرت، هه‌روه‌سا یا به‌ربژاره بۆ خه‌لاتێ نۆبل یێ ئاشتیا سالا 2015.
