بو رزگاركرنا شنگال 10 هزار پێشمه‌رگه د ئاماده‌نه
ئه‌ڤرۆ نیوز، چه‌كدار ئه‌ترووشى:
پشتى ل سێ یى ته‌باخا ئه‌ڤ ساله قه‌زا شنگال هاتیه كونترولكرن ژلایێ داعش ڤه، ژێده‌ره‌كێ پله بلند دناڤا پێشمه‌رگێ كوردستانێ دا دیاركر كو ل نێزیك دێ هێرشا رزگار كرنا شنگال ده‌ست پێكه‌ت.
ئه‌فسه‌ره‌كێ پله بلند دناڤا پێشمه‌رگێ كوردستانێ دا كو نه‌ڤیا ناڤێ وێ بهێته ئاشكرا كرن تایبه‌ت بو ئه‌ڤرۆ نیوز دیاركر كو رزگاركرنا شنگالى َنێزیكه و گوت” ب سه‌رپه‌رشتیا فه‌رماندێ هێزێن چه‌كدار پلانا رزگاركرنا شنگالێ ب دووماهى هاتیه و ل نێزیك دێ هێرش ده‌ست پپێكه‌ت”.
هه‌مان ژێده‌ر ئاماژه ب وێ چه‌ندێ كر، وگوت” هێزێن ئه‌سمانى یێن هه‌ڤپه‌یمانان دێ ب چرى پشكدارى هێرشا شنگال بن و دهێته پێشبینى كرن هێزا عه‌ردى ژى پشكداربیت”.
