بچووكترین مەلەڤانا چینی ڕیكۆردەكا نوو تۆماركر
یاریزانا چینی یۆ زی دی یا 12 سالی ڕیكۆردەكا نوو د هەڤڕكیێن مۆندیالا جیهانی یا بەریكانەیا مەلەڤانییان تۆمار كر، پشتی شیایی بۆ درێژاهییا 200م ڤەكری دەربازبتە قۆناغا پێش دووماهیێ، دهەڤڕكیێن واندا ئەوا نوكە ل سەنگاپۆرا دهێتە كرن.
بەهرەمەندا چینی یۆ زی دی شیا دەربازبیتە قۆناغا پێش دووماهیێ پشتی ڕێزا هەشتێ هاتی ب درێژاهییا 200م 11 چركە و 90 پشك ژ چركێ ئینا كو دهێتە هژمارتن بۆ جارا ئێكێ د یرۆكا ڤێ یاریێ دا بڤی ژیێ د مۆندیالەكا جیهان یدا بینت، سەرباری ل ئەیارا بۆری شیابوو رێزا ئێكێ د بەریكانەیا 400م ل قارەمانییا چینێ بینیت، بڕیارە ل قۆناغا دووماهیێ دگەل چار یاریزانێن دی بكەڤیتە بەرانبەر قارەمانا جیهانێ یا كەنەدی ماكینتۆش و یا ئوسترالی تارا كیندر، هەكە ب سەركەڤت دێ بیتە بچووكترین یاریزان خودانا میدالییا زێری ل جیهانێ.
