بڕیارا وه‌رگرتنا 35 دۆلاران هاته هه‌لوه‌شاندن
ئه‌ڤرۆ، حه‌مۆ محه‌مه‌د:
سه‌رپه‌رشتێ ئیداره‌یا سه‌ربخوه یا زاخۆ دیار كر، ل سه‌ر ڕاسپارده‌یا مه‌سرور بارزانی، سه‌رۆكێ حومه‌تا هه‌رێما كوردستانێ، بڕیارا وه‌رگرتنا 35 دۆلاران ژ وان كه‌سێن ب رێیا ده‌ریێ سنووریێ ئیبراهیم خه‌لیل دهێنه د ناڤ هه‌رێما كوردستانێ دا؛ هاته هه‌لوه‌شاندن.
گوهدار شێخۆ، سه‌رپه‌رشتێ ئیداره‌یا سه‌ربخوه یا زاخۆ ل دۆر وان كه‌سێن به‌ری دو سێ رۆژان پاره داین گۆت: “ئه‌و كه‌سێن به‌ری دو سێ رۆژان ب رێیا ده‌رگه‌هێ سنووریێ ئیبراهیم خه‌لیل هاتینه د ناڤا هه‌رێما كوردستانێ دا و پاره داین، پارێ وان دێ لێ هێته ڤه‌گه‌ڕاندن، هه‌تا كو میكانزمه‌كا نوو بۆ ڤێ چه‌ندێ بهێته دانان”.
ئه‌ڤه ژی د ده‌مه‌كی دایه، كو ب بڕیارا لژنا بلندا به‌رهنگاریا كۆرۆنایێ هه‌ر كه‌سه‌كێ ژ ده‌رڤه‌ی وه‌لاتی ب رێیا ده‌رگه‌هێن سنووری بهێته د دناڤا هه‌رێما كوردستانێ دا، ڤاكسین وه‌رگرت بیت یان ژی نه، دڤێت 35 دۆلاران بۆ پشكنینا كۆرۆنایێ بده‌ت، ب تنێ ئه‌و كه‌سه تێنه بن یێن پشكنینا كۆرۆنایێ یا 48 ده‌مژمێری هه‌بیت.
