بڕیار ل سەر ڤەكـرنا چەندیـن كارگەهێن پیشەسازی ل زاخۆ هاتەدان
زاخۆ، دلۆڤان هالۆ:
د ئەنجامێ كۆمبوونەكا ئیدارەیا سەربخوە یا زاخۆ دا، بڕیار ل سەر ڤەكرنا چەندین كارگەهێن پیشەسازی یێن جۆراوجۆر ل زاخۆ هاتەدان.
گوهدار شێخۆ، سەرپەرشتێ ئیدارەیا سەربخوە یا زاخۆ، دوهی 11/5/2026 ل گەل ڕێڤەبەرێن پەیوەندیدار و لیژنا گەشەپێدان و پشتگیریكرنا پڕۆژەیێن پیشەسازی و دەڤەرا پیشەسازی ل زاخۆ كۆمبوو، تێدا بریارا ڕازیبوونا ڤەكرنا چەندین كارگەهێن پیشەسازی یێن جۆراوجۆر هاتەدان.
دیسا د ڤێ كۆمبوونێ دا گەنگەشە ل سەر بابەتێ پڕۆژەیێن گەشەپێدانا پیشەسازی و دەڤەرا پیشەسازی ل دووڤ ماستەرپلانا نوو ل سنۆرێ ئیدارەیا سەربخوە یا زاخۆ هاتە كرن، داكو ئەڤ پڕۆژەیێن پیشەسازی بكەڤنە د خزمەتا خەلكێ سنۆرێ ئیدارەیا سەربخوە یا زاخۆ دا.
