بۆچى كورد ب رێيا كۆمپانيا سۆمۆ په‌ترۆلا خوه ناهنێرن؟
ئه‌ڤرۆ نيوز، نيوار محه‌مه‌د سه‌ليم:
ئه‌ندامێ جڤاتا نوونه‌رێن عيراقێ ل سه‌ر ليستا پارتى ديموكراتى كوردستان راگه‌هاند كو كۆمپانيا سۆمۆ گرێدانه‌كا ئێكسه‌ر يا ب حوكمه‌تا عيراقى ڤه هه‌يى.
نه‌جيبا نه‌جيب ئه‌ندامێ جڤاتا نوونه‌رێن عيراقێ ل سه‌ر ليستا پارتى ديموكراتى كوردستان بۆ ئه‌ڤرۆ نيوز ئه‌گه‌رێ پابه‌ند نه‌بوونا كوردان ب كۆمپانيا سۆمۆ ڤه دياركر و گۆت: “كۆمپانيا سۆمۆ يا فرۆتنا په‌ترۆلا عيراقێ گرێدانه‌كا ئێكسه‌ر يا ب وه‌زيرێ په‌ترۆلا عيراقێ و سه‌رۆكێ جڤاتا وه‌زيران هه‌يى”.
زێده‌تر گۆت: “ئه‌ڤه ژى هه‌ڤدژى بنه‌مايێن دستوورى و فيدارليه‌تێ و بنه‌مايێن شه‌فافيه‌تێ يه د دام و ده‌زگه‌هێن حوكمه‌تێ دا”.
نه‌جيبا نه‌جيب دا زانين ژى كو ژ به‌ر وێ چه‌ندێ ژى حووكمه‌تا هه‌رێما كوردستانێ دخوازيت كو ئه‌و ب خوه ژ داهاتێ په‌ترۆلا هه‌رێما كوردستانێ به‌هرا خوه يا 17% هه‌لگريت و يا دمينيت بۆ حوكمه‌تا عيراقێ ب هنێريت.
دا زانين ژى كو مه‌ره‌ما هه‌رێمێ ب ڤێ چه‌ندێ ئه‌وه كو بڕيارا داهاتێ حوكمه‌ت و خه‌لكێ كوردستانێ د ده‌ستێ عيراقێ دا نه‌بيت كو پێدڤيه هه‌رێم بڕيارێ ل سه‌ر بده‌ت”.
