بۆچی کۆمبوونا ئەردۆگان و بۆلتۆنی هاتە هلوەشاندن؟
ئەڤرۆ نیوز:
هەرچەندە وەزارەتا دەرڤە یا تورکیا بەری دەمەکێ راگەهاند کو چو بەرنامە بۆ هندێ نەبوون کو ئەردۆگان ل گەل شیرەتکارێ ئاسایشا نەتەوی یا ئەمریکا جۆن بۆلتۆن کۆم ببیت لێ چاڤدێرێن سیاسی ل تورکیا راستیا بابەتی ئاشکرا دکەن.
ئلیهان ئوزگەل بسپۆرێ سیاسەتا ئەمریکا ل تورکیا راگەهاند کو هلوەشاندنا کۆمبوونا ئەردۆگانی ل گەل جۆن بۆلتۆن ڤێ راستیێ نیشا ددەت کو ئەمریکا ناهێلیت تورکیا هێرشی رۆژهەلاتێ فراتێ بکەت، ژ بەر هندێ ژی ئەردۆگان بەرهەڤ نەبوو ل گەل بۆلتۆنی کۆم بیت.
چاڤدێرێن سیاسی یێن تورکیا دیار دکەن کو هەلویستێ ئەمریکا دێ ل هەمبەر تورکیا توند بیت، چونکو ئەمریکا ناخوازیت تورکیا هێرشی رۆژهەلاتێ فراتێ بکەت و هلوەشاندنا کۆمبوونا ئەڤرۆکە یا ئەردۆگانی و جۆن بۆلتۆنی ژی ڤێ راستیێ نیشا ددەت.
