بۆ جارا ئێکێ ل باکور پێنگاڤەک گرنگ هاتە هاڤێتن
ئەڤرۆ نیوز، هۆشەنگ تاجر:
هەشت پارتێن کوردی یێن باکورێ کوردستانێ ئەڤرۆکە ل باژێرێ ئامەدێ یێ باکورێ کوردستانێ هەڤپەیمانیا خوە راگەهاندن و دیار کرن کو دێ ل ژێر ناڤێ هەدەپێ پێکڤە پشکداریێ د هەلبژارتنێن باژێرڤانیان یێن ٢١ ئادارێ دا کەن.
محەمەد گولەر چاڤدێرێ سیاسی ل ئامەدێ بۆ ئەڤرۆ نیوز دیار کر کو هەڤپەیمانیا هەشت پارتێن کوردی پێنگاڤەکا گرنگ و دیرۆکیە و ئەم هێڤیدارین بۆ هەلبژارتنێن دی هەموو پارتێن کوردی ل باکور بەرەیەکێ نیشتمانی ئاڤا بکەن.
ل ئالیێ دی زانا سەزەن نوونەرێ پارتیا ماف و ئازادیان ل هەرێما کوردستانێ ژی بۆ ئەڤرۆ نیوز دیار کر کو هەڤپەیمانیا پارتێن کوردی ل سەر بنەمایێ بەرژەوەندیێن نەتەوی نینە و ئەڤ هەڤپەیمانیا یا دەمدرێژ نابیت و هەدەپە خوە وەکو پارتیەکا کوردستانی نابینیت و ژ بەر هندێ ژی نەشێت هەڤپەیمانیێ ل گەل پارتێن کوردی دروست بکەت.
