بۆ رۆژا ژ دایکبوونا پێغەمبەری حەفت سالە خوارنێ دروست دکەن
ئەڤرۆ نیوز،عەلی حاجی:
هەژمارەکا کەسوکارێن ئێک ل باژێرێ زاخۆ ماوەیێ حەفت سالایە وەکو کارەکێ خێرخوازی ب هەلکەڤتا روژا ژ دایکبوونا پێغەمبەری سلاڤێن خودێ ل سەر بن خوارنێ بۆ هاولاتیان دروست دکەن.
موەفەق حەسەن بۆ ئەڤرۆ نیوز گوت : سالانە وەکو نەریتەکێ ل دەف مە لێهاتیە کو ئەم هەژمارەکا پسمام و براینە رادبین ب ئامادەکرن و دروست کرنا خوارنێ بۆ خەلکێ ب هەلکەڤتا هاتنا روژا ژ دایک بونا پێغەمبەرێ ئیسلامێ ،ل ئەڤرۆ روژا شەمبیێ بو خوارنا نیڤرۆ خوارن بۆ زێدەتری ١٦٠٠ کەسان دروست کر و سالانە ژیبئە خوارنێ زێدە دکەین کو دئێکەم سال دا مە خوارن بتنێ بۆ ٥٠٠ کەسان دروست کربوو دپلانا مە دایە ئەم ڤێ رێژەیا خوارنێ زێدەتر بکەین،یا گرنگ لدەف مە ئەوە کو ئەم خوارنێ وەکو خێرەکێ دروست دکەین و هەر دیسان هەر کەسەکێ دلێ وان ژێک مابیت ژی دگەل ئێک خوارنێ بخون.
ل دوماهیێ گوت ژی : دێ تشتەکێ جوان بیت هەکە خەلکەکێ دیتر ب ڤی کاری رابن ژبەر کو هند خێرا وێ هەیە هەم ژی هەژمارەکا خەلکی پێکڤە خوارنەکێ دخون،ژبەریا حەفت سالان مە شریناهی ل سەر خەلکی بەلاڤ دکرن بەلێ حەفت سالە مە کری یە خوارن .
