بەرامبەر ٣٠٠ ملیون دیناران کومپانیەک دێ بیتە سپونسەرێ خۆلا کوردستانێ
ئەڤرۆ نیوز، ھەژار مەعروف:
پشتی بریارا ب رێڤەبرنا خۆلا کوردستانێ ھاتیە دانێ و ئێکەتیا ناڤەندی ل ھەرێما کوردستانێ بەرنامەیێ خۆلێ بۆ وەرزێ نوو یێ خۆلا پلا نایاب دانای، ئێکەتیا ناڤەندی دەرگەھـ بۆ ھەر کومپانیەکێ ڤەکری بۆ ڤەگوھاستنا یاریێن خولێ و سپونسەریا خۆلێ .
ژێدەرین دەنگوباسی وەسا دیاردکەن چەند کومپانیا بەرھەڤیا خوە بۆ سپونسەریا خۆلا ھەرێما کوردستانێ دیارکری یە لێ کومپانیا نەوروز تیلکیوم و فاسلینک ژ ھەمی کومپانیا نێزیکترە بۆ بیتە سپونسەرێ فەرمی یێ خۆلا کوردستانێ یێ تەپا پێ بۆ وەرزێ نوویێ خۆلێ .
ل دور پێزانین گەھشتی نە بەر دەستێ مالپەرێ ئەڤرۆ نیوز ژ ئێکەتیا تەپا پێ یا کوردستانێ کومپانیا نەوروز تیلیکوم بەرھەڤیا خوە دیارکری یە کوژمێ ٣٠٠ ملیون دیناران پێشکێشی ئێکەتیا ناڤەندی یا ھەرێما کوردستانێ بکەت ھەکو ھاتو ھەڤبەستا ھەردو لاینە سەرگرت.
