بەرپرسێ مەكتەبا ڕێكخستنـێ ل گەل ڕێڤەبەرێن ئەوقافێ و زانایێن ئایینی كۆمبوو
سەربەست لەزگین، ئەندامێ مەكتەبا سیاسی و بەرپرسێ مەكتەبا ڕێكخستنا پارتی دیموكراتی كوردستان ل پارێزگەها دهۆكێ، دوهی 8/2/2026 پێشوازی ل ڕێڤەبەرێن ئەوقافێ و بەرپرسێن لقێن ئێكەتیا زانایێن ئایینێ ئیسلامێ ل سنۆرێ پارێزگەها دهۆكێ كر و د كۆمبوونەكێ دا، باس ل دانانا بەرنامەكێ گونجای بۆ پێشوازیكرن و برێڤەبرنا كاروبارێن مەها پیرۆزا رەمەزانێ هاتە كرن.
بەرپرسێ مەكتەبا ڕێكخستنێ دوپاتی ل سەر خورتكرنا گیانێ برایەتیێ و پێكڤەژیانا ئاشتیانە د ناڤبەرا هەموو پێكهاتەیێن جڤاكێ كوردستانێ دا كر و دوپاتی ل سەر درێژكرنا دەستێ هاریكاریێ بۆ تەخا دەستكورت و كێم دەرامەت و بەلاڤكرنا پەیاما مرۆڤایەتی و تەباییێ كر.
