بەلاڤكرنا وێنەیێن سروشتی بەرێ گەشتیاران ددەنە وی جهی
بێوار حەمدی:
وێنەگر(بیرهات عومەر) كو ب بیرهات شێلادزی دهێتە نیاسین، د دیدارەكێ دا بۆ رۆژناما ئەڤرۆ گۆت: پتری حەفت سالانە ئەز ڤی كاردكەم، ل دەستپێكێ نێزیكی دو سالان من وێنە ب مۆبایلێ دگرتن و ئەڤە پێنج سالن ب كامیرێ دگرم و گەلەك حەزژ گرتنا وێنەیێن سروشتی دكەم.
هەروەسا گۆت: جارەكێ ل دەمێ رۆژئاڤابوونێ من چەند وێنە ب مۆبایلا خوە بۆ گرتن و ئەو چەندە بۆ ئەگەر كو یێ بەردوامبم و مال هەموو ژی د پشتەڤان بوون، بۆ زانین گەلەك جاران من وێنەیێن شێلادزێ و دەوروبەران بەلاڤ دكرن خەلكەكێ بیانی نامە بۆ من دهنارتن و دگۆتن: ڤێرە كیڤەیە دا بهێینە سەرەدانێ، ئانكو بەلاڤكرنا وێنەیێن جوان ب تایبەت یێن سروشتی دبیتە ئەگەر كو گەشتیاری سەرەدانا وی جهی دكەن.
