ب ئامادەبوونا د. سالار عوسمان پەردە لسەر پەیكەرێ چیڕۆكنڤیس «مەم» هاتە لادان
ب ئامادەبوونا د. سالار عوسمان، بەرپرسێ پشكا رەوشەنبیری و راگەهاندنا پارتی و د مەراسیمەكا ژ هەژی دا ل سەنتەرێ باژاڕۆكێ شەقلاوە و ل بنارێ چیایێ سەفینی، ل رۆژا 10/5/2026 پەردە لسەر پەیكەرێ چیرۆكنڤیس و ڕۆژنامەنڤیسێ ناڤدارێ كورد، خودێ ژێ رازی «محەمەد مەولوود – مەم» هاتە لادان و هەمی بەرهەمێن وی یێن ئەدەبی ژی ب خواندەڤانان هاتنە ناساندان.
د ڕێورەسمان دا، پەیڤا ب خێرهاتنێ ژ لایێ دەڤەردارێ شەقلاوە ڤە هاتە پێشكێشكرن، پاشی گۆتارا پارێزگارێ هەولێرێ و ئێكەتیا نڤیسەرێن كورد و هاتە خواندن، دیسا هەژمارەكا چیرۆكنڤیس و نڤیسەران بابەت و گۆتار پێشكێشكرن.
ئافەرین خان خێزانا خودێ ژێ رازی، د رێورەسمان دا، گۆتارا پێزانین و دەستخۆشیێ خواندن، دیسا وەكو وەفا و ڕێزلێنان بۆ مێژوویا پڕی داهێنان یا چیرۆكنڤیس «مەم»، د. سالار عوسمان دەستكەكێ گولا یێ رێزگرتنێ پێشكێشی مالباتا خودێ ژێ رازی كر.
چیرۆكنڤیس و ڕۆژنامەنڤیس، محەمەد مەولوود (1987 – 1927) ئێكە ژ پێشەنگێن چیرۆكا كوردی و ئێكەم چیرۆكا خۆ ل سالا 1951 بەلاڤكریە.
