ب ئومێدم كۆما پەیام دێ لێك كۆم بیتە ڤە
هەرهین محەمەد:
دەرهێنەر و زارڤەكەر(سەعید مستەفا) د دیدارەكێ دا بۆ رۆژناما ئەڤرۆ گۆت: هەتا نوكە ناڤ و ئەندامێن كۆما پەیاما دەڤەرا ئامێدیێ یا مای، بەلێ وەكو كار ڤە قەتیانەك چێبوویە و ئەو ڤە قەتیانە ژی نە وەكو ئەندام ژێكڤە قەتیانە، بەلكو هەر ئەندامەك مژوولی ژیانا خوە یا رۆژانەیە، لەورا ئەو دەلیڤە بۆ وان دروست نەبوویە و هەموو دەمان د بەرنامێ من دایە كۆما پەیام لێك كۆمڤە بكەم و پێكڤە كاركەنە ڤە، بەلێ ب مخابنی ڤە دبێژم هەتا نوكە كارێ مە یێ زارڤەكرنێ نە بوویە پیشەك و بیتە دەرگەهێ ژیانامە، بەلێ د ئەوێ باوەریێ دامە و یێ ب ئومێدم دهۆك تیڤی دێ ئەڤێ كۆمێ لێك خرڤەكەتەڤە و دێ كارێن جوان پێكڤە ئەنجامدەن.
د دووڤدا گۆت: هەموو ئەندامێن كۆما پەیام حەزەكا مەزن بۆ زارڤەكرنێ هەبوو، چونكو مە گەلەك حەزژ وی كاری دكر و مە خزمەتا گەل و وەلات و هونەرێ كوردی دكر و ل سەر وی دەمی ئەو تەكنیكا نوكە هەی نەبوو هەموو مە ب كامیرەیێن كەڤن وێنەدكر و گەلەك جاران داچینە سەركاری سیستەمێ دەنگی نەیێ پێشكەفتی بوو سپێدی هەتا ئێڤاری مە ل گوندان كاردكر و پشتی ئەم ب دووماهی دهاتین ئەم دهاتینە جهێ كاری و ئەم لێك كومڤەدبووین و مە سەحدكرە وی كاری یێ مە وێ رۆژێ کری، بەلێ سەرهەموو لاوازیان را تەمسیلێن كۆما پەیام رەنگڤەدانا خوە هەبوویە و هەتا نوكە.
