ب بڕیارا مەسرور بارزانی زیندانیێن سیاسی و كەسوكارێن شەهیدان دێ پارچەیێن ئەردی وەرگرن
سندس سالح سلێڤانەی:
پێشەوا هەورامانی، پەیڤدارێ حكومەتا هەرێما كوردستانێ ڕاگەهاند: ل سەر بڕیارا سەرۆكوەزیران مەسرور بارزانی، پارچەیێن ئەردی لسەر زیندانیێن سیاسی و كەسوكارێن شەهیدان دێ هێنە بەلاڤكرن.
د بڕیارا بەلاڤكرنا پارچەیێن ئەردی دا ژ لایێ حكومەتا هەرێما كوردستانێ ڤە، بەری نوكە بڕیار بوو ب تنێ فەرمانبەر ئەردی وەربگرن، بەلێ ل سەر بڕیارا سەرۆكێ حكومەتا هەرێما كوردستانێ پێنج هزار و 440 پارچەیێن ئەردی لسەر بنەمالێن شەهیدێن سەنگەری و جینۆسایدكرییان، هەروەسا 15 هزار و 499 پارچەیێن عەردی لسەر زیندانیێن سیاسی دێ هێنە بەلاڤكرن.
ئەڤ بڕیارە ب وی مەرجییە، كو ئەڤ كەسە بەری نوكە ژ وەرگرتنا ئەردی مفادار نەبووینە.
