ب تنێ پــــارتیە خۆ ل نەخۆشــــیا ڤی مللـــەتی دکەتە خـودان
ديدار، سالار محةمةد دؤسكى:
1 – 4
پێشمەرگەكێ شۆڕەشا گولانا پێشكەفتنخواز بەحسێ ژین و ژیارا پێشمەرگەی ل شۆڕەشا گولانێ دكەت، و ئەو قوربانی دان و دەردەسەری یا وی سەردەمی ل دژی خەلكێ كوردستانێ ژلایێ رژێما بەعس ڤە هاتیە كرن.
عزێر حسێن زوبێر تیلەری، كەسایەتیێ گوندێ تیلەرێ ژ بنەمالەكا جوتیار و دیندار و كورد پەروەر ل سالا 1963 ل گوندێ تیلەرێ ل دەڤەرا بەرواری یا ژ دایك بوویە، ل سالا 1979ی چەكێ شەرەفێ هەلگرتیە و بوویە پێشمەرگە و چەندین شەر و داستان و چالاكیێن لەشكری پشكدار بوویە، و هەتا گەهشتیە شەڕێ داعش بەرەڤانی ژ ئاخ و وەلاتی كریە و ل سالا 2024 هاتیە خانەنشینكرن.
عزێر حسێن زوبێر، پێشمەرگەیێ شۆڕەشا گولانا پێشكەفتنخواز، بۆ رۆژناما ئەڤرۆ گۆت: دناڤا بنەمالەكێ دا ژ دایك بوویمە بابێ من ل شۆڕەشا ئیلۆنێ كارێ رێكخستنێ دكر، ل گەل چەندین كەسایەتیێن گوندێ مایێ وەكی (عەلیێ عەبدوللا) ی و ئەڤێ چەندێ ژی كارتێكرن ل سەر زارۆكینی یا من هەبوو، و هەتا گەهشتیە ژیێ گەنجاتیێ، ل گەل نسكۆیا سالا 1975ێ كاودانێن گشت كوردستانێ تێكچوون و بێ هیڤی بوون ل دەف خەلكی دروست بوو، ل سالا 1979 حوكمەتا بەعس خەلكێ گوندێ مە دەركرن و (76) مالان بوون و ژ گوندی و ئەم ڤەگوهاستینە كومەلگەها (باتیفا گولیا)، وی دەمی تەعدایەكا مەزن ل خەلكێ مە هاتەكرن، و هەر هەمی ژ سەرەز و چەم و بیستانێن وان هاتنەدەركرن و گۆتن هوون نانی دەنە پێشمەرگەی، وی دەمی (مولازم عەلی و جەوهەر نامق، مستەفا مزیری و محمود قدشی) دهاتنە گوندێ مە و گەلەك پێشمەرگە دهاتنە وێرێ و پێشمەرگەیێن سەركردایەتی یا بەروەخت گەلەك دهاتنە گوندێ مە و هاتن و چوون خوش هەبوو، و دیسا خەلكێ گوندی ژی گەلەك دهاریكاربوون ل گەل پێشمەرگەی، ل سالا 1979 دەمێ خودێ ژێ رازی (شەعبان غەفار و سەیدا صالح، جوهەر نامق) هاتینە گوندێ تیلەرێ مە پەیوەندی پێكر وەك پێشمەرگە، و دەست پێكێ نە وەرگرتم گۆتن تو هێشتا گەلەكێ بچوویكی وی دەمی گەلەك گوندیێن مە دناڤا پێشمەرگەی دا بوون، و بتنێ وێ جارێ ئەم حەفت كەس ژ گوندی بووینە پێشمەرگە و دەمێ هاتینە وەرگرتن، ئەم چووینە گەل مەفرزا (شەعبان غەفار) و مەفرازا وی بوو (د.جەرگیس) بەرپرسێ لقێ ئێك یا پارتی دیموكراتی كوردستان بوو، و (سەید سالح) بەرپرسێ لەشكری بوو، و ئەم پێشمەرگە بووین ل گەل (شەعبان)ی بووین وی دەمی بارەگایێ لقێ ئێك ل كوماتەی بوو، ل زڤستانا سالا 1980 ئەم هاتین و ئەم هەیڤەكێ ماینە دەڤەرێ و مە چ خوشی نە دیت و بەردەوام حزبا بەعس دیفچوون ل سەر مە هەبوو، و بەردەوام لەشكرێ ئیراقێ دیفچوونا مە دكر، و ئەم وی دەمی گەلەك نە ئارام بووین و هەر گوندەكێ ژووباینێ دڤێت مە گەلەك زێرەڤانی ل خوە گرت با چونكە و گەلەك ب نهێنی مە هاتن و چوون دكر، چونكە بەردەوام سیخورێن ئەمنێ و بەعسیا دەنگۆباس ل سەر مە دگەهاندنە رژێمێ و مە نەدڤیا حوكمەتا بەعس گەلەك دیفچوونێ و گڤاشتنا ل سەر خەلكێ گوندا بكەت، چونكە راستی ئەو گوند ژێدەرێ ژیانا پێشمەرگەی بوون و شۆڕەش ئەوان گوندان ئەنجامدایە، چونكە نانێ پێشمەرگەی ل سەر خەلكێ گوندان بوو و هەر مالەكا تە قەست ربایێ تو هەژمارتی وەك كورێ خوە و گەلەكك كەیف ب مە دهات و خوارن د دا پێشمەرگەی و لدیف ئاستێ خوە یێ ژیانێ تژی جانتكێ مە ژی خوارن دكەن، و بێژن تو سەر سەرێ من هاتی كورێ من و خودێ تە پارێزیت، بیرا من دهێت بابێ من ئێك ژ مەزنێن گوندێ تیلەرێ بوو و دەمێ پێشمەرگە ل شۆڕەشا ئیلۆنێ دهاتنە گوندێ مە بابێ من دزانی ئاستێ ژین و ژیارا كیش مالێ باشترە و پێشمەرگە ل سەر خەلكێ گوندی بەلاڤەدكرن و هەر ئێكی لدیف پێ چێبوونا خوە و گەلەك قەردێ پێشمەرگەی دگرت، و خارن دایێ و هەر پێدایەكا داخوازكربا دخزمەتا وان دابوون، و گەلەك جاران دەنگۆباس ل سەر حەواندنا پێشمەرگەی دگەهشتە رژێما بەعس و گەلەك جاران دیفچوون ل سەر مالا مە و تایبەت بابێ من هاتیەكرن، و جارەكێ مالا مە هاتە دەرخستن ژ گوندی و ئەم هاتینە دوكەرێ.
پێشمەرگەیێ شۆڕەشا گولانێ ئەو ژی گۆت: پێدڤی یە ئەڤ گۆتنە بهێتە گۆتن (قاسم تیلەری) دڤێت نەهێتە ژبیركرن، و نانێ وی دایە پێشمەرەگەی كەسەكێ نەدا و مرۆڤەكێ گەلەك جامێر و ناندەه بوو و مالا وی ل دەرگەلێ بوو و هەر دەمێ چووبایە مالا (قاسم تیلەری) (10 هەتا 20) پێشمەرگەیان دروینشتی بوون، و خوارن و ڤەخوارنا ئەڤان پێشمەرگەیان ل سەر وی بوو و هەتا نانێ جانتكێ وان ژی بو دادگرت، و مرۆڤەكێ ناندەه بوو و هەر گوندەكی هندەك مرۆڤێن بڤی رەنگی هەبووینە، و ل گوندێ كانی مەزنێ (حجی سالح) ژی رۆلەكێ مەزن هەبوو د دانا نانی دا بۆ پێشمەرگەی، و دڤێت ئەڤ ناڤە بهێنە گۆتن و نەهێنە ژبیركرن، و یێ پێ سەرفەرازبوو و ئەگەر نەچووبایە مالا وی دا عاجزبیت وی دەمی ژین و ژیار گەلەك یا بزحمەت ژی بوو، و لەوما دبێژم شۆڕەش ئەوانكریە و دڤێت ئەو نەهێنە ژبیركرن، و دەمێ مرۆڤ چووبا مالا وان گەلەك كەیفا وی دهات و گەلەكێ چاڤ ڤەكری بوو، و هوسا هزر در مرۆڤەكێ مەزن چوویە وێرێ و پێشمەرگە گەلەكێ ئارام بوو.
