ب رێيا تلەفونێ بووینە ئەڤیندارێن ئێك
ئه‌ڤرۆ نيوز:
کچەکا ١٨ سالی دلێ خە بۆ ئەڤرۆ ڤەدکەت و دبێژیت: ئەز ل قوناغا دوازدێ ئامادەیی مە و ئەڤە سالەکە ئەز و گەنجەک حەز ژ ئێکدو دکەین کو دەستپێکا پەیوەندیا مە ژی برێکا تێلەفونێ بۆ پشتی ھینگێ مە ئێکدو دیت، ئەو ژی قوتابیە ل ھەمان قوناغ و ٢١سالە ئەو دبێژیت دێ ھێینە مالا ھەوە خوازگینیا ، لێ نزا چ بێژمێ ژبەرکو مالا مە رازی نابن و دبێژن خو چەوا بیت تو شوی ب وی ناکەی ژبەرکو ھەم تە برێکا تێلەفونێ نیاسیە و ھەم ژی بیانیە و دبێژن دێ تە دەینە خویانیا و لەوا ئەم نەشێین ئێدی ئێکدو ببینین ژی نھا بتنێ برێکا تێلەفونێ و فەیسبوکی ئەم دگەل ئێک دئاخڤین لێ من ژ نێزیک نەدیتیە ئەڤجا ھوین بو ئاریشا من چ دبێژن و ئەز چ بکەم ؟
کچا ھێژا :
تو قوتابی و یا دقوناغەکا ھەستیار دا و ئایندێ تە دێ ھێتە دانان، ئەڤجا یا ژھەموو یا گرنگتر ئەوە تو جەختیێ بێخیە سەر خواندنێ و ھەموو کارێن دی دێ بوتە ھێن بەس خاندن ناھێتە قەرەبوکرن وباش بزانە ئەڤ دیتنێن تە نوکە ھەین دێ ھێنە گوھورین و راستە تەکنولوجیا یا چویە دناڤ ھەموو لایێن ژیانێ دا و گۆھورینێن باش یێن پەیدا کرین و ژیان یا بساناھی ئێخستی بەلێ د ھەمان دەم دا گەلەک یا ئالوز ژی کری ئەڤجا باشیێن وێ ھەنە وھەر وەسا خرابی ھەنە لەوا دڤێت مروڤ گەلەک یێ ھشیار بیت، خویانی و بیانی ئەم دبێژن ئەڤ زاراڤە دکەڤنن و یا سەر دا چوی و نەما وەک پیڤەر بو پێک ئینانا خێزانا بەلکو نوکە یێ لجھێ وی رەوشتە و رەوشەنبیریە و شیانن ژبەر کو ھەر خێزانەک حەز دکەت کورێ وان یان کچا وان یا بەختەوەر بیت د ژیانی دا، دیسا دڤێت بریارا تە گەلەک یا ورد بیت دڤی بابەتی دا ژبەرکو بھایێ ھەر شاشیەکێ دجڤاکێ مە دا ژیان ھەموویە، لەوا دڤێت ھەموو تشتا ژ نێزیک ببینی پاشی بریارێ بدەی.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123