ب رێژا 60% قوتابێن نوكه فێری رێكێن ساناهی یێن ده‌رچوونێ بووینه.
ئه‌ڤرۆ، هه‌رهین محه‌مه‌د:
رێڤه‌به‌رێ قوتابخانه‌كا بنه‌ره‌تی ل زاخۆ دیاردكه‌ت كو هه‌ردو سالێن بوری كارتێكرنه‌كا مه‌زن ل ئاستێ خاندنێ ل ده‌ڤ قوتابیان كریه و پتر قوتابی گرێدای ئه‌نترنێتێ بووینه و دیسان ب رێژا 60% قوتابی فێری رێكێن ب سانه‌هی یێن ده‌رچوونێ بووینه چ ب رێكا واسته‌یێ بیت، یان قوپیایێ.
ئه‌رده‌شێر زوزانی، رێڤه‌به‌رێ قوتابخانا هه‌ژده‌ی شوات یا بنه‌ره‌ت ل زاخۆ ددیداره‌كێ دا بۆ به‌رپه‌رێ په‌روه‌رده‌و زانكۆ یێ رۆژناما ئه‌ڤرۆ گۆت: ئه‌ڤه بۆ ده‌مێ دو سالا بو سیسته‌مێ خاندنێ ب ئونلاین بوو، به‌لێ نه‌یا سه‌كه‌فتی بوو زارۆ دهێته دهولێ و ئاگه‌ه ژ ماموستای و خاندنێ نینه ئه‌ڤجا هه‌كه خاندن بیته ئونلاین قوتابی دێ چكه‌ن و ل قوتابخانێ قوتابی ده‌ستی َخوه دوانێ دا رادكه‌ت و پرسیارا دكه‌ت و خاندنا ئونلاین چو مفا تێدانینه سه‌ركه‌فتن نه‌ئینا و بتنێ مژویلكرنا قوتابیان بوو و هه‌كه مفا تێدا هه‌با ئه‌ڤ ساله ژی كۆرۆنایه و ئه‌ڤ ساله ژی بریار هات هه‌كه‌سه‌كێ بڤێت دشێت خاندنا زارۆیێ خوه بكه‌ته ئونلاین، به‌لێ كه‌سێ خاندنا زارۆیێ خوه نه‌كره ئونلاین و ل هه‌ردو سالێن بوری و ل هه‌رێما كوردستانێ رێژا خاندنێ گه‌له‌ك یا كێم بوو، چونكو ل سالێن بوری حه‌فتیێ رۆژێ بتنێ سێ رۆژان بوو ل وی ده‌می و ل وی ده‌می گێولێ قوتابیان ل خاندنێ نه‌دا و بریار ژی بوو قوتابێن پولا ئێكێ و دوێ و سیێ ده‌ربچن وهاریكاریا قوتابیان بهێته كرن ژبه‌ر ڤی كاودانی ب ڤێ چه‌ندێ قوتابیان چو مفا ژ خاندنێ نه‌دیت و ئه‌ڤ ساله ئاستێ قوتابیان گه‌له‌ك یێ لاوازه، چونكو ل سالا بوری و ئه‌ڤ ساله ژی بریار هات كو هه‌ر دو حه‌فتێن ده‌ستپێكا خاندنێ قوتابی په‌رتوكێن سالا بوری دوباره‌كه‌ن، لێ وان چو مفا ژێ نه دیت ژبه‌ر كو قوتابی نه شێن د پازده‌رۆژادا په‌رتوكه‌كی َدوباره‌بكه‌ن یا كو ئه‌وا دساله‌كێ دا دهێته خاندن و ئه‌ڤێ چه‌ندێ یا سالا بوری قه‌ره‌بۆ نه‌كر.
ناڤهاتی گۆت: دسالێن به‌ری َدا قوتابی ب سێ وانان كه‌فت با ڤه دما و دبینم ئه‌و بریاره‌گه‌له‌ك یا سه‌ركه‌فتی بوو ل وی ده‌می قوتابیان گرنگی دا خاندنێ و خه‌م ژ خاندنا خوه دخار، به‌لێ نوكه قوتابی ب هه‌موو وانان ب كه‌ڤیت دشێت دوباره‌بكه‌ت و قوتابێن نوكه فێری واسته‌یێ بووینه و ل وی ده‌می ده‌مێ ده‌رچیت كارتێكرن لێ دبیت بۆ قوناغا دی و قوتابی ڤێ چه‌ندێ نوزانیت و دسه‌رده‌مێ نوكه دا نێزیكی 60% قوتابی فێربووینه ل رێكێن ب ساناهی دگه‌رین بتنێ كو ب ده‌رچن و ئه‌ڤه دوسال بورین ل قوتابخانه‌یان خاندن گه‌له‌ك یا لاوازه و هه‌ردوسێ رۆژان جاره‌كێ بوو ب ڤێ چه‌ندێ ژی قوتابیان گێول نه‌مابوو بهێنه قوتابخانێ و بخوینن وماموستایان ژی گێول نه‌مابوو بهێنه قوتابخانێ وانا بێژن ئه‌ڤ چه‌نده بۆ ئه‌گه‌ر قوتابی پتر خوه ب ئه‌نترنێتی َو سوشیال میدیایێ ڤه مژویلكه‌ت و ئه‌ڤ چه‌نده بۆ ئه‌گه‌ر قوتابی و خاندن ژێك دویركه‌ڤن و ئه‌ڤ ساله‌ژی ئاستێ قوتابیان نه‌هندێ باشه، به‌لێ ئه‌ڤ ساله قوتابی دهێنه قوتابخانێ و رۆژانه ده‌وامێ دكه‌ن و پێشبینی دكه‌م سالا بهێت قوتابخانه دێ وه‌كو سالێن به‌ری نوكه ئاسایی بیت، چونكو هه‌رنوكه ماموستایێن مه یێن خوه زه‌حمه‌ت ده‌ن ب قوتابیان ڤه كو خاندن وه‌كو سالێن به‌رێ ب زڤریت.
