ب فەرمانا مەلا مستەفا بارزانی پارە بۆ نووژەنكرنا دێرێن گوندێن دەڤەرا بەهدینان هاتە تەرخانكرن
سالار محەمەد دۆسكی:
3-5
من گۆتێ بابەت بڤی رەنگی یە، ئادەم زەلامەكێ گەلەك باش بوو و خەلكێ بەدلیا بوو، رۆژا پاشتر چوومە قەسرێ و ئادەم چیرۆكا من هەمی بۆ ئدریس بارزانی گۆت بوو و كو گورگیس بڤی رەنگی رەفتار ل گەل من كریە، ئدریس گۆت بۆچی وەگۆتیە من گۆتێ پێنچ دینار داینە من و پارە من نەماینە و ئەز هەتا 12ی ئەڤێ مینم و دووماهی زێرەڤانم و كەسەك نامینتە ل وێرێ و جگارا كێشم و چەكمەچا خوە ڤەكر و كاغەزەك نڤێسی و 25 دینار بوومن مەزاختن و گۆت هەرە بخوە وەربگرە و هەر دەمێ تە پێدڤی ب پاران هەبوو وەرە دەف من و گەلەك قەدر و قمەت دامن و ئەوی زانی دەمێ دبیتە درەنگ ئەز مینم و زێرەڤانیێ ل مەلا مستەفا بارزانی ژی دگرم و هەمی چنە مال و بابەت من نەگەهاندنێ ئەو ژی ئادەم گەهاندێ، وی دەمی مووچێ مە پێنچ دینار بوو و پشتی من پشكداری خولا چاندن و راكرنا ئەلغامان دا كری مووچە بو 12 دینار و هەر چالاكیەكا من ئەنجامدا با 25 دینار من وەرگرتن، ئەگەر پێشمەرگەی ڤیابا بچیتە رەبیەكێ دڤیابا بەری ئەو بچنێ ئەز بچمێ و پێشمەرگەك دا هێتە گەل من و ئەز دا چم رێكێ بوو ڤەكەم و ئەڤە هەمی ب شەڤ بوو و هەمی ئەلغام من راكرن و پتریا جاران ئەو ئەلغام روسی بوون و ئەڤە دەف من تشتەكێ گەلەك ب ساناهی بوو و ئەڤە ل سالا 1974 ێ بوو و هەر هەمان سال ئەلغامەك دەستێ من دا تەقی و چەند تلێن من هاتنە فراندن.
هەمان پێشمەرگەیێ شۆڕشا مەزنا ئیلۆنێ گۆت: ئدریس بارزانی گەلەك یێ باش بوو و دلۆڤانی دلی دا هەبوو و دلێ كەسەكێ نەدهێلا، و هەمان رێبازا بابێ خوە مەلا مستەفا بارزانی بوو، رۆژەكێ سحبەت ل گەل من كر و گۆت تە ژن هەیە؟، من گۆتێ مایێ ل تەنشتا تە ژن هەیە؟، بەحسێ ئادەم بوو ، ئەو ئادەم زێرەڤانێ تایبەتێ مەلا مستەفا بارزانی بوو، و دەمێ ئەو روودانا مەلا یا رژێمێ هنارتین كو خوە ب مەلا مستەفا بارزانی ڤە ب تەقینن ئادەم ئەو كەس بوویە ئەوێ خوە هاڤێتیە رەخێ مەلا مستەفا بارزانی و شیا پارێزیت، و دو سەجمە مابوو نە سەرێ ئادەمی ڕا وەك پێشتر من ئاماژە پێكری، ئەڤە ئەگەرەك بووك و رەحمەتی مەلا مستەفا بارزانی بهێتە پاراستن و چایچیێ وی پرت پرت بوو، دەمێ ئەڤ روودانە دروست بووی رەحمەتی مەلا مستەفا بارزانی ئەڤ سحبەتە بوو من كر، و ئەز ژی ل هنداڤ بووم و گورگیس و خێزانا خوە ل دیوانا وی بوون، و خێزانا گورگیس گۆتە مەلا مستەفا بارزانی قوربان ئەڤە چەوا بوو؟، گۆتێ 12 كەس بوون و هەمیان جلكێن مامۆستایێن ئاینی ل بەر بوون، و ل هەر دو تەنشتێن وی قەنەپەوون و پەنجەرەك ل هنداڤ سەری بوو، و گۆت ئەوێ بەرامبەر من قورئاانەك دامن و من ژی ئەو قورئان كرە دپەنجەركێ دا، و دەستێ چەپێ دەرگەهەك بوو ئەو بۆ چایپچی و دچیت بۆ دەرگەهێ سەرەكی دەر دكەڤیت، و جەنابێ وی گۆت دەمێ چایچی هاتیە ژۆر ڤە من دیت دەنگێ تەقینەكێ هات، و غەمگین بووم من گۆت ئەڤە مێهڤانێن منن چەوا ئەڤ تشتە تەقی؟، و دوڤدا من دیت دویێن دی تەقین و ئێكسەر من زانی ئەڤ تەقینە ژ ئەڤان كەسان دروست بوویە، و ئێكسەر چایچی بریندار بوو خوە هاڤێتە بارزانی و ئێك ل دەرڤە بوو نارنوج دهاڤێتن، و دیت مەلا مستەفا بارزانی یێ ساخ بوو و گۆت هێشتا تویێ ساخی و ئێكا دی ژی هاڤێت و ئادەم زێرەڤانێ مەلا مستەفا بارزانی ئێكسەر خوە هاڤێتێ و سەرێ ئادەم بریندار بوو، و بارزانی كێشا ژۆر ڤە بوو شەڕ، رۆژا پاشتر ئەز چوومە جهێ روودانێ هێشتا كەلەخێن وان مابوون و لاما كەسەكی ل جهێ پانكێ ڤە مابوو و كورسیكا مەلا مسستەفا بارزانی خوە تشتەك لێ نەهاتبوو، و هەر ئێكسەر دا هزر كەی و بێژی ئەف مرۆڤە خودێ ل گەل دا بوویە، و مرۆڤێن ژۆر ڤە هەمی هاتنە كوشتن و بتنێ مەلا مستەفا بارزانی ساخ قورتال بوو و پیچەكا ئەنیا وی بریندار ب بوو و یا سفك بوو، و ئەگەر جووبایە ژۆر ڤە دا بێژی گەلەك یا بزحمەتە مرۆڤەك ژ ئەڤێ ژۆرێ قورتال ب بیت، و ئەڤە ژی شولا خودێ بوو چونكە ل سەر رێكا راست بوو، و خودێ ل گەل دا بوو، ئادەم بریندار بوو ل وێ روودانێ دا پشتی سالا 1975 چوو ئیرانێ و دوڤدا گیانێ خوە ژ دەست دا، ئەو كەسێن هاتین ژلایێ رژێمێ ڤە دو كەس دا رەڤن و ترۆمبێلەكا شوفێر لێت ل گەل دا بوو، و سینگ و پشتێن وێ ساروخ دانابوون و ملازمێ ئێكێ یوسف و عەبدلرەحمان هاتن ئەو هەر دو ساروخ ژ ترۆمبێلا شوفێرلێت ژی ڤەكرن، ئەوا هزر كر دێ ڤێ كارەساتێ كەن و ئەگەر پێشمەرگە چووبانێ دا ب ترۆمبێلێ ڕەڤن و ئەگەر پشت بانە دا مووشەكا هاڤێژنێ و ئەگەر ل بەر سینگی ژی بانە دا هەر مووشەكا هاڤێژنێ، مەلا مستەفا خودێ ل گەل دا بوو و گەلەك جاران من ب گوهێن خوە گولێ دبوو مەلا مستەفا بارزانی دگۆتە گورگیس مەلك چكو هەوە ئەمانەت زارۆكێن شەهیدان، هەتا رۆژەكێ گورگیس گازندە ژ ئەسعەدی كرن بۆ مەلا مستەفا بارزانی و جەنابێ وی گۆت ئەز نەشێم بێژمێ روونە و كەسەكێ دی بدانمە جهێ وی و ئەو دێ چیت خوە ڕادەستی حوكمەتێ كەت، بەلێ ئەگەر مە مافێن خوە ستاندن وی دەمی ئەز زانم كیێ باش و شولكەرە و كی نەیێ باشە، گۆت ئەڤ خانیێ نوكە تێڤە نە مالێ منە بەلكو مالێ حوكمەتێ یە و گەلەك جاران دایكا خۆشابە ئانكو خێزانا گورگیس دا بێژیتە رەحمەتی مەلا مستەفا بارزانی قوربان هەتا كەنگی دێ هوسا بین دا بێژیت هندی ئەڤ ساقە پێن من بن بزانە ئەم نەگەهشتیە مافێن خوە و هێشتا مایە و ئەگەر تە ساق ل پێن من نەدیتن بزانە ئەز و هەژار گەهشتینە مافێن خوە.
هەمان پێشمەرگەیێ شۆڕشا مەزنا ئیلۆنێ زێدەتر گۆت: هێزا مە یا مەسیحی یا هەمی بەرگیز و كولاڤێن ڕەشێن تیاریا ل بەر بوون، و هەر ئێك ل دووف ڤیانا خوە دەرسوك دكرنێ، رۆژەكێ ئەز و جەرجیس فەتحوللا ل قەسرێ د روینشتی بووین، و فرۆكە هات و قومبلە هاڤێتن و ئێك ب گۆرستانێ كەفت و ئێك ل ناوپردان دا كو چاریانە بۆ گلالە و چومان و هەڤالێن مە ل چەیخانێ دا بوون، و نێزیكی 30 كەسان هاتنە شەهیدكرن، و ئەڤە ل سالا 1974 بوو، وی دەمی معاویێ ئێزدی وێرێ بوو و باغچەكێ جوان هەبوو، و من گۆتێ معاویە دێ بلا باغچێ تە كەفتبا بۆچی ب گورستانێ كەفت، و معاوی ئاخفتنێن كرێت دگۆتن ڤی كەسێ ئێزدی دو ژن هەبوون، مەلا مستەفا بارزانی گەلەك حەش معاویە دكر.