ب كارئینانا مۆبایلێ‌ ل ده‌مێ‌ روونشتن دگه‌ل هه‌ڤالان دا یا مه‌ترسیداره‌

ب كارئینانا مۆبایلێ‌ ل ده‌مێ‌ روونشتن دگه‌ل هه‌ڤالان دا یا مه‌ترسیداره‌

10

ئه‌ڤرۆ، به‌رپه‌رێ‌ ساغخله‌میێ‌:

ل دووڤ ڤه‌كولینه‌كا نوی یا ئه‌مریكی، ب كارئینانا مۆبایلێ‌ ل ده‌مێ‌ كۆمبوون و روونشتنێ‌ دگه‌ل هه‌ڤالێن خوه‌ دا ، كارتێكرنێن مه‌ترسیدار یێن جڤاكی و ساخله‌میێ‌ ژێ‌ په‌یدادبن.

ل دووڤ وێ‌ ڤه‌كولینێ‌ كو ل زانكۆیا جۆرجیا ل ئه‌مریكا هاتیه‌ ئه‌نجامدان، ب كارئینانا مۆبایلێ‌ ل وان ده‌مان دا، ژبلی كو  پشتگوهستنا هه‌ڤالانه‌ د به‌رژه‌وه‌ندیا تۆڕێن جڤاكی دا كو دبێژنێ “فۆبینگ”، كاریگه‌ریێن مه‌ترسیدار ژی ل سه‌ر په‌یوه‌ندییان هه‌نه‌.

دیاركریه‌ ژی، ڤه‌كولین ل سه‌ر 472 قوتابیان هاتیه‌ كرن و ده‌ركه‌ڤتی یه‌ ئه‌وێن كو هه‌ڤالێن خوه‌ ژ پێخه‌مه‌ت مۆبایلێن خوه‌ پشتگوهـ دئێخن و زێده‌تر ژپێدڤیێ‌ ب كار دئینن خه‌مۆكی و نیگه‌رانیا وان یا جڤاكی زێده‌دكه‌ت و به‌رده‌وام ژی پشتگوه ئێخستنا هه‌ڤالان زێده‌ دكه‌ت.

ل دووڤ هه‌مان ڤه‌كولین، ئه‌و كه‌سێن كو وان پێخۆشه‌ زێده‌تر ل تۆڕێن جڤاكی په‌یوه‌ندی هه‌بن وه‌ك وان یێن رووبه‌ڕووی هه‌بیت، نیگه‌رانیا جڤاكی زێده‌تره‌ و ئه‌ڤه‌ژی كاریگه‌ریێ‌ ل سه‌ر ئاستێ‌ توره‌ی و دان ب خوه‌ كێم دكه‌ت، ئه‌وێن نیگه‌رانیا جڤاكی و خه‌مۆكی هه‌بن زێده‌تر ئه‌گه‌رێ‌ ئالوده‌بوونێ‌ ب مۆبایلێ‌ هه‌نه‌،

پشتراست ژی كریه‌، ئه‌و كه‌سێن زێده‌تر دناڤ جڤاكی دا دهێنه‌ قه‌بوول كرن، كێمتر ئالوده‌ی مۆبایلان دبن ل ده‌مێ‌ دگه‌ل هه‌ڤالێن خوه‌ كۆم دبن، هه‌روه‌سا زێده‌تر هه‌لوێستێن جوان و هاریكاری و كارڤه‌دان هه‌نه‌ د په‌یوه‌ندیێن جڤاكی دا.

کۆمێنتا تە