ب ناڤێ شەهیدان

دلكەسەر زێباری

چەند شۆرەش و چەند سەرهەلدان
چەند خەبات و جەند تێكۆشان
چەند مێرخاسی و گەلەك داستان
هەمی ب ناڤێ شەهیدانە
::: :::
چەند هزر و بیر و لڤلڤین
شینی و بەهی و پێكەنین
ژ سەرلێڤا تەڤ گڕنژین
هەر بناڤێ شەهیدانە
::: :::
ئەو شەهیدێن خوین ڕژاندی
دیرۆك بخوینێ نڤیساندی
ئالا ئازادیێ یا چكلاندی
پەیڤا هەردەم بناڤێ وانە
::: :::
چەند رۆژێن نوی و رۆژهەلات
چەند ئۆمێد و هیڤی و خەبات
چەند مزگینی و چەند خەلات
دیسا بناڤێ شەهیدانە
::: :::
وان ژ تاریێ خوە كر چرا
ئەڤی كاروانێ نەمرا
خۆ گۆری كر گەلی برا
دا خۆش ببیت ئەڤ ژیانە
::: :::
وان گرت رێكا ئازادیێ
كر داخوازا رۆناهیێ
بۆ ڤی گەلێ ژ تاریێ
ئاگەهدار كر ئەڤ جیهانە
::: :::
قەهرەمانێن دەشت و چیا
وەلاتێ خوە ژ دل ڤییا
دگەل ئارمانج و هیڤییا
گوت دەیكا مە كوردستانە
::: :::
وان خۆ گۆریكر رێز ب رێز
هزار هزار سلاڤ و رێز
بۆ شەهیدێن وەلاتپارێز
ئازادی بەرهەمێ وانە

کۆمێنتا تە