عزه‌ت ئیبراهیم:وه‌رزشڤانێن دێرین ب هه‌موو وژدانا خوه دێ ده‌نگی ده‌نه لیستا 190 یا پارتی
محەمەد عەلی نوری:
د دیدارەکا تایبەت دا عزه‌ت ئیبراهیم ئێمینكی به‌رپرسێ وه‌رزشڤانێن دێرین ل پارێزگه‌ها دهۆكێ دۆپاتكر كو وه‌رزشڤانێن دێرین دێ ب هه‌موو وژدانا خوه ده‌نگی بۆ لیستا 190 یا پارتی دیموكراتی كوردستان ده‌ن ژبه‌ركو هه‌ر ئه‌ڤ پارته بوویه پووته ب وه‌رزشا كوردستانێ ب گشتی دایه و پارێزگه‌ها دهۆكێ و دیار كر ئه‌و پێشكه‌فتنا نوكه هه‌یی تایبه‌ت یا وه‌رزشێ ل سه‌ر ده‌مێ وان دا نه‌بوویه.
زێده‌تر ناڤهاتی گۆت: ل سه‌ر ده‌مێ ده‌م هه‌ر ژ سالێن هه‌شتان و هه‌تا دووماهییا سالێن نوتان و سه‌ردا وه‌رزشڤانێن مه تووشی گه‌له‌ك ئاریشه‌یان بوویه یێن گرێدایی ب نه‌بوونا یاریگه‌هـ و هولێن وه‌رزشی و كێمبوونا یانه‌یێن وه‌رزشی ل ده‌ڤه‌رێن جودا، لێ د نوكه دا و ل سه‌ر ده‌ستێ پارتی دیموكراتی كوردستان و هه‌ر ده‌ما كابینا حوكمه‌تا هه‌رێمێ وه‌رگرتی و هه‌تا نوكه د كابینا نه‌هێ دا ب گشتی پشتەڤانیەکا مەزن ل كه‌رتێ وەرزشێ ل کوردستانێ هاتیە کرن و هه‌تا نوكه ژی به‌رده‌وامه، ژێرخانه‌یا وه‌رزشی یا نوكه گه‌له‌ك به‌رفره‌هـ تر بوویه ژ یا به‌ری چه‌ندین سالان، د ده‌مه‌كی مه یاری ل سه‌ر یاریگه‌هێن ئاخێ و دناڤ یاریگه‌هێن قوتابخانان دا دكر لێ د نوكه دا مه یاریگه‌هێن مۆدرێن و هۆلێن پێشكه‌فتی یێن وه‌رزش هه‌نه گه‌نجێن مه پێ شاد بووینه، د ده‌مه‌كی دا ل سالێن حه‌فتێ و هه‌شتیان حوكمه‌تا به‌عس یا وی ده‌می دژاتییا كوردان دكر و نه دهێلان ب دورستی كارێ خوه بكه‌ن ژ وانا وه‌رزشێ و چه‌ندین یاریزان مه هه‌بووینه ژبه‌ر ئه‌گه‌رێن سیاسی نه شیاینه وه‌رزشا خوه بڕێڤه ببه‌ن یان ژی ژبه‌ر بۆردومانێن وی ده‌می یێن حوكمه‌تا به‌عس یاریزان شه‌هید بوویه د ده‌مێ ئه‌نجامدانا یارییا خوه دناڤ گۆره‌پانێ دا، لێ د نوكه دا و هه‌ر ژ پشتی سالا 1990ێ و سه‌رهلدانا پیرۆز پارتی دیموكراتی كوردستان وه‌كو تاكه لایه‌ن پشته‌ڤانییا مه وه‌رزشڤانان كرییه و قۆناغ بۆ قۆناغێ یاریگه‌هـ و هۆلێن وه‌رزشی دروستكرینه و ب ئازادی هه‌موو یاریزان ب یاریێن خوه شاد بووینه.
هه‌روه‌سان ناڤهاتی ئه‌وچه‌نده ژی دیار كر كو د ماوه‌یێ کابینەیا نەهێ یا حوکمەتا هەرێما کوردستانێ ب سەروکاتیا جەنابێ مەسرور بارزانی کو هەر دەم پشتەڤان بوویە و شیاینە ب پشتەڤانیا وی دلێ خەلک و جەماوەرێ وه‌رزشی خوه‌ش بكه‌ن و زێده‌بوونا یانه‌یێن وه‌رزشی كو پتر 17 یانه‌یا ل ده‌ڤه‌رێن جودا و دروستكرنا یاریگه‌هێن فوتبۆلێ و هۆلێن تایبه‌ت ب باسكێت بۆل وڤۆلی بۆلێ و یاریێن چه‌نگی هه‌موو به‌لگه‌نه كو پارتی بتنێ بوویه پشته‌ڤانا وه‌رزشی و وه‌رزشڤانان و پشكدارییا یانه‌یێن مه د خولا ستێرێن ئیراقێ دا و پشكدارییا یانه‌یا دهۆك د كۆپا كه‌نداڤی دا ژ به‌لگه‌یێن هه‌ره پێشچاڤه بۆ پشته‌ڤانییا پارتی ل وه‌رزشێ، هه‌روه‌سان ژبیر نه‌كه‌ین هه‌ر پارتی بوویه و ڕێیا حوكمه‌تا هه‌رێما كوردستانێ پشته‌ڤانی و خه‌لاتكرنا وه‌رزشڤانێن دێرین كرییه و هه‌تا به‌ری چه‌ند حه‌فتیان ژی ئه‌ڤ پرۆسێسه به‌رده‌وام بوویه.
ل دووماهیێ عزه‌ت ئیبراهیم ئێمینكی گۆت: وەکو وه‌رزشڤانه‌كێ دێرین و هه‌موو وه‌رزشڤانێن دێرین یێن پارێزگه‌هێ رژدین ل سه‌ر ده‌نگدانێ بۆ لیستا 190 چنكو ئه‌م یێ پێشكه‌فتنا كوردستانێ ب گشتی دبینن و وه‌رزشی ب تایبه‌تی كو هه‌رده‌م پارتی بوویه، له‌وما ژی پێ گهورێ پارتی نابیت و نه هاتییه، ئه‌ڤچا دەنگدان ب پارتی و لیستا 190، دەنگدانە ب سەقامگیری و ئاڤەدانییا كوردستانێ و ده‌نگدانه ب پێشكه‌فتا به‌رده‌وام بۆ وه‌رزشێ وه‌رزشڤانان ژبه‌ركو ب كریار سه‌لمانییه ئه‌و خودانا راسته‌قینه یا كوردستانێ یه و وه‌فاداریه‌كا ئێكجار مه‌زن بۆ خاكا كوردستانێ هه‌یه، دۆباره ژی دێ بێژم ده‌نگێ مه بتنێ بۆ پارتی دیموكراتی كوردستانه.
