ب هەلكەفتا ٨٠ سالیا دامەزراندنا پارتی شەهیانەكا ب كۆم بۆ ٩٠٠ بووك و زاڤایان هاتە گێڕان
ئەڤرۆ، پەیامنێران:
ب هەلكەفتا بوونا سەرۆك مەسعود بارزانی و 80 سالیا دامەزراندنا پارتی و ب پشتەڤانی و ئامادەبوونا فەرماندە مەنسور بارزانی، دوهی رۆژا ئێكشەمبی 16/8/2026 پێنج شەهیانێن ب كۆم بۆ 900 بووك و زاڤایان ل سنۆرێ لقێن ئێك یێ پارتی ل دهۆكێ، هەشت یێ پارتی ل ئیدارەیا سەربخۆ یا زاخۆ، نەه یێ پارتی ل دەڤەرداریا ئاكرێ، 18 یێ پارتی ل دەڤەرداریا ئامێدیێ و 20 یێ پارتی ل دەڤەرداریا شێخانێ هاتنە گێڕان.
وەكو دیار دەمێ سێ سالانە، بێ راوەستیان شاهیانێن ب كۆم ل سنۆرێ پارێزگەها دهۆكێ دهێنە ئەنجام دان، د ڤی دەمێ بۆری دا زێدەتر ژ سێ هزار كوڕ و كچان، ژ ڤی پڕۆژەی مفادار بووینە و پرۆسێسا هەڤژینیێ پێكئینایە، مەرەما سەرەكی یا پارتی ژ ڤی پڕۆژەی، ب تنێ هاریكاریكرنا گەنجانە بۆ وێ چەندێ ب سەناهی هەڤژینیێ پێك بینن، پڕۆژە ژی هەمی پێكهاتەیێن پارێزگەها دهۆكێ و ئیدارەیا سەربخۆ یا زاخۆ بێ جوداهی ڤەگرتینە.
